شال ءَ بیتگیں تیرگواری ءُ دگہ وئیلاں ھپت مردم بیران، ھمے وڑ چہ پنجگور ءَ لاشے دزکپتگ-
گیشیں ھالانی رِد ءَ بلوچستان ءِ بُنجاھی شھر شال ءَ پت ءَ ننگ ءُ ناموس ءِ نام ءَ وتی جنک ءُ آئی واھگدار کشتگ اَنت، وئیل شال ءِ دمگ نواں کلی ءَ بیتگ، دوئیں لاش چار ءُ ٹپاس کنگ ءِ ھاتر ءَ دمگی نادُراھجاہ ءَ برتگ اَنت-
جنک ءَ ھوار دو مردم کوش ءَ پد میاربار ھما دمان ءَ تتکگ اَنت-
شال ءَ یک گلی لوگے ءِ چت کپگ ء چہ یکیں لوگ ءِ چار مردم چیر تر اتگ ءُ بیران بیتگ اَنت-
ریسکو ءِ رد ءَ شال ءِ دمگ رودرتکی بائی پاس ءِ نزیک ءَ ھستیں یک لوگے ءِ چت کپتگ – وئیل ءَ بیران بیتگیں مردمانی لاش در کتگ ءُ نادُراھجاہ ءَ برتگ اَنت-
ھمے وڑ بلوچستان ءِ دمگ پنجگور ءِ ھند گوارکو ءَ لیویز واکداراں یک مردمے ءِ لاش دزکپتگ کہ آئی ءِ پجّار دلبود ء نوک آپ جھمنند چہ گچک ءِ نام ءَ بیتگ-
لیویز ءِ رِد ءَ کُشگ بیتگین ءَ چار تیر سر ءُ دلبند ءَ لگ اتگ اَنت-