بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں 30 اگست ءِ شپ ءَ یوپون موبائل ٹاور ءِ مشین ءُ سامان مانداشتگ اَنت۔
جارکش ءَ گْوشتگ کہ پنجگور ءِ ھند دازی مرگو ءَ دوشی دوازدہ ءُ نیم ءَ یوپون شرکت ءِ موبائل ٹاور ءِ مشین ءُ سامان مانداشتگ ءُ تباہ کرتگ اَنت۔
جارکش ءَ دیمتر ءَ گْوشتگ پاکستان وتی رھوتی نزام ءُ نوکیں ٹیکنالوجی ءَ بلوچ سرمچارانی بگیری ءَ کارمرز کنگ ءُ جتائیں جاھاں موبائل ٹاور مک کنگ ءَ اِنت، آئی مول ٹریس کنگ اِنت، بلے بی ایل ایف ءِ انٹیلیجنس ءُ ٹیکنیکل ٹیم ھمک وھد ءَ شیوار اَنت ءُ سرمچارانی ھواری ءَ پاکستان ءِ رھوتی نزام ءَ نشانگ کنگ ءَ اَنت۔
جارکش ءَ گْوشتگ بی ایل ایف اے اُرش ءِ زمہ واری ءَ منّ ایت ءُ داں پاکستانی پوج ءِ درآھگ ءَ ریاستی درسیں شوربندی ءُ پوج ءِ سر ءَ یکشل ءَ اُرشاں برجاہ دار ایت۔