بلوچستان ءِ جتاجتائیں دمگاں سے بیگواھیں مردم یل کنگ بیتگ اَنت

بلوچستان ءِ جتاجتائیں دمگ بارکھان، پنجگور ءُ گوادر ءَ سے مردم پاکستانی پوج ءِ دست ءَ چہ یل کنگ بیتگ اَنت-

گیشیں ھالانی رِد ءَ ھمے ھپتگ ءَ چہ گوادر ءَ پاکستانی پوج ءَ چہ دکان ءَ آوار جتگیں نصیب اللہ ء نزیر حسین زئی یل کنگ بیتگ-

زانگ بہ بیت نصیب اللہ بلوچ بُنکی سیادی چہ ھاران ءَ اِنت ءُ گوادر ءَ دکان ءِ کار ءَ بیتگ-

ھمے وڑ بیست پنچ اگست پنجگور ءِ دمگ تار کارگس چتکان ءَ اللہ نزر ء خدا نزر نامیں ورنایے پرپٹ سواریں سلاہ بندیں مردماں پہ تُپنگ زور ءَ آوار جتگ ءُ وتی ھمراھی ءَ برتگ-

اے ورنا ءِ یل کنائینگ ھاتر ءَ آئی ءِ کھول نیمگ ءَ چہ سی پیک دگ سر ءَ یکشل ءَ نندانک ھم داتگ کہ مروچی آجو بیتگ-

ھمے چہ بارکھان ءَ گوستگیں روچ ءَ بیگواہ کنگ بیتگیں دمگی اِھوالکار حیات کھیتران یل کنگ بیتگ ءُ کوھلو پریس کلب ءَ سر بیتگ-

اِھوالکار ءِ برات حفیظ اللہ کھیتران ءَ گْوشتگ کہ آ یک ٹی وی چینل ءَ ھمگرنچ بیتگ حیات کھیتران گوستگیں روچ ءَ ایف سی کرنل نیمگ ءَ چہ پاکستانی پوج ءِ بُنجل ءَ لوٹائینگ ءَ پد بیگواہ کتگ آ نو کوھلو پریس کلب ءَ اِنت-

حیات کھیتران ءِ یل کنائینگ ھاتر ءَ مروچی بارکھان ءَ شھر رکھنی ءَ زھرشانی کنگ بیتگ چریشی ءَ دمگی اِھوالکاراں ھم بھر زرتگ-

اے میان ءَ زھرشانی کنوکاں حیات کھیتران ءِ زوت یل کنائینگ لوٹ کتگ اَت-