آپریشن ھیروپ: بی ایل اے ءَ بیلہ ءِ بنجاھی بنجل ءَ جاڑیگیں فدائین ءِ توار بند شنگ کتگ انت

بی ایل اے ءِ ھکل چینل ءَ بیلہ بنجل ءَ جاڑیگیں بی ایل اے ءِ مجید بریگیڈ ءِ باسک ءِ توار بندیں کلوہ شنگ کتگ اَنت-

دو بھرگاں ھواریں کسانوکیں توار بند بی ایل اے ءِ میڈیا ونگ ھکل ءِ رد ءَ مجید بریگیڈ ءِ یک فدائی یے پاکستانی پوج ءِ بیلہ بنجل ءَ دستیگ کنگ ءَ پد مجید بریگیڈ ءِ کمانڈر ءَ بیلہ بنجل ءِ توک ءِ جاورھالاں گوشگ انت –

زانگ بہ بیت بی ایل اے ءِ نیمگ ءَ یک درشانے ءَ گوشگ بیتگ کہ سرجمیں بلوچستان ءَ فدائی آپریشن ھیروپ ءِ بندات کتگ انت-

بلوچ لبریشن آرمی ءِ جارکش جیئند بلوچ ءَ شنگ کتگین درشان ءَ گوشتگ فدائی آپریشن “ھیروپ” ءِ درچ ءَ بی ایل اے ءِ فدائی یونٹ مجید بریگیڈ ءَ زورگریں پاکستانی پوج ءِ بیلہ بنجل ءِ سر ءَ اُرش کتگ ءُ داں انگت ءَ 24 ءَ گیش پوجی کارمند کشتگ انت ءُ بنجل ءِ یک بھرگے دستیگ کنگ ءَ سوبمند بیتگ اَنت-

جارکش ءَ گوشتگ مجید بریگیڈ ءِ اُرش ءِ بندات شورواں پریں دو گاڑیاں گوں بنجل ءِ بنجاھی دروازگ ءُ نزیکین چوکیاں ٹکر جتگ ءُ چریشی ءَ بنجل ءِ پترگ ءِ راہ سرجم ءَ تباہ بیتگ ءُ بنداتی وی بی آئی ای ڈی اُرشاں پد مجید بریگیڈ ءِ ھیروپ فدائین یونٹ بنجل ءَ پترگ ءَ سوبمند بیتگ انت اُرش ءِ بنداتی لڑ ءَ 24 پوجی کشتگ انت ءُ بنجل ءِ یک بھرگے دستیگ کتگ ءُ آپریشن ءِ دومی لڑ بندات کنگ بیت اِنت-

دومی نیمگ ءَ سرکاری بنشونانی رد ھم بنجل ءَ سلاہ بندانی جاڑیگ بوگ ءُ بیرانی اھوالاں کنگ ءَ انت-