بلوچستان ءِ دمگ کیچ ءَ ناکہ بندی ءِ وھد ءَ پوج ءِ سر ءَ اُرش، گاڑی تباہ، کارندہ مرتگ اَنت-
اھوالانی رد ءَ کیچ ءِ دمگ ھوت آباد ءَ سلاہ بندیں مردمانی نیمگ ءَ ناکہ بندی ءِ وھد ءَ سلاہ بنداں پاکستانی پوج ءِ سر ءَ اُرش کتگ-
اھوالانی رد ءَ پنچ گاڑیاں ھواریں کاروان سلاہ بنداں نشانگ کتگ اے دمگی مردمانی رد ءَ اُرش ءِ وھد ءَ ترندیں تراک ءُ تیرگواری ایش کنگ بیتگ اَنت-
اھولانی رد ءَ اے اُرش ءَ بازیں کارندہ مرتگ اَنت بلے داں انگت ءَ اے درگت ءَ دگہ اھوال دیم ءَ نیتکگ اَنت-
زانگ بہ بیت بی ایل اے ءِ نیمگ ءَ یک درشانے ءَ گوشگ بیتگ سرجمیں بلوچستان ءَ فدائی آپریشن ھیروپ ءِ بندات کتگ کہ چریشی ءِ ھواریں باسک فدائی یونٹ مجید بریگیڈ ءِ فدائیناں بیلہ ءَ پوج ءِ بنجاھی بنجل ءَ پترگ ءَ سوبمند بیتگ انت ءُ ھمے ڈول ءَ بی ایل اے ءِ سرمچاراں سرجمیں بلوچستان ءِ راہ بستگ اَنت ءُ وتی کنٹرول ءَ کتگ اَنت-