نودربر ارشاد ءُ شاہ نواز کہ پاکستانی لشکر ءَ چہ بلوچستان ءِ دمگ مستونگ ءَ پہ زور گار ءُ بیگواہ کتگ انت انگت ءَ بیگواہ انت ۔
نودربر ارشاد اھمد ءِ کھول ءِ مردماں گْوشتگ کہ 16 اگست ءِ شپ ءَ مستونگ ءَ سلاہ بندیں مردماں آئی ءَ چہ آئی ءِ لوگ ءَ برتگ۔
دومی نیمگ ءَ پہ زور بیگواہ کنگ ءِ ھلاپ ءَ سرگرمیں گل وائس فار بلوچ مسنگ ءَ گْوشتگ کہ شاھنواز ءِ پہ زور بیگواہ کنگ ءِ ھال ءُ اھوال آئی ءِ کھول ءِ نیمگ ءَ اے گل ءَ داتگ اَنت۔
آئی ءَ گل ءَ را شکایت کتگ کہ شاہ نواز نوربکش کردگپ ءِ چک اے سال ءِ 4اپریل ءَ گوں ابدالگنی ءَ زور ءَ چہ منگچر بازار ءَ بیگواہ کنگ بوتگ بلے دہ روچ ءَ پد ابدالگنی برآمد کنگ بوتگ بلے انگت ءَ شاہ نواز بیگواہ انت۔ .