یک سالے ءُ شش ماہ ءِ میان ءَ گوادر ءِ ھند پسنی ءَ چلگی ءِ وھد ءَ زالبولانی بیرانیانی توک ءَ ناوشیں رنگے ءَ گیشی اتکگ اَنت، رپورٹ ءِ رد ءَ رپورٹ ءِ رد ءَ یک سالے ءُ شش ماہ ءِ وھد ءَ 23 زالبول چلگی ءِ وھداں بیران بیتگ اَنت ءُ ھمے ڈول کپر ءِ جھمنندیں زالبولے گوستگیں ماہ ءَ چلگی ءِ وھد ءَ بیران بیتگ ات کہ گیشتریں وئیل پسنی ءِ کوچگی دمگاں پیش آیگ ءَ اَنت-
رپورٹ ءِ رد ءَ دو نیم توامیں زھگ ھم بیران بیتگینانی توک ءَ ھوار اَنت ، اے کیس جنوری2023 ءَ بگر داں جولائی2024 ءَ پیش اتکگ اَنت- گیشتریں کیس پسنی ءِ کوچگی دمگاں سھت ءِ جوانیں آسراتی ءِ نہ بوگ ءُ ڈاکٹرانی نہ بوگ ءَ پیش اتکگ اَنت-
جانسلامتی ءَ گوں بندوکین یک ڈاکٹرے ءَ یو این اے ءَ گوں گوشتگ بلوچستان ءِ کوچگی دمگاں نندوکیں زالبول کوھنین رنگ ءُ ڈولاں بلک (داھیوں) دست ءَ وتی چِلگی ءَ کن اَنت ءُ چریشی ءَ چہ آیانی بیران بیت اِنت-
آئی ءَ پسنی ءَ یک سالے ءُ نیم ءَ بیست ءُ سَے زالبول مرگ ءِ آماچ ءُ وتی زند ءَ چہ زبھر بیتگ اَنت-
آئی ءَ گوشتگ نی وھد ھمیش اِنت کوچگی دمگاں مارا اے ھال دیگی اِنت چلگی ءَ پیسر وتی زالبول ءَ لازم ھسپتال ءَ بیار ات دانکہ نوکیں میڈیکل گیش الٹرساؤنڈ کنگی انت ءُ زھگ ءِ ڈول ءُ رنگ زانگی اَنت ءُ لھتے کیس ھنچش بنت انت روایتی ڈول ءَ گیشنتگ نہ بنت اِنت –