بلوچستان ءِ دمگ کلات ءِ ھند ناگاھو ءَ مروچی سھب ءَ چہ پاکستانی پوج ءِ لشکر کشی برجاہ ءَ اِنت، تیرگواریں ھیلی کاپٹرانی برز بال برجاہ-
ھالانی رِد ءَ ناگاھو ءِ جتاجتائیں دمگ مَرو، شیشار، اسپلنجی ءُ کش گور ءِ دمگ لشکر کشی تہ ءَ اَنت-
دمگی اِھوالکار ءَ گْوشتگ کہ تیرگوار ءُ دگہ بالگرد یکشل ءَ بُرز بالی ءَ گندگ آیگ ءَ اَنت وھدے کہ تیرگواری ءُ بمبگواری ءِ توار ھم اش کنگ بیتگ اَنت-
پاکستانی واکدار ءَ تنی وھدے ھچ وڑیں سرپدی نداتگ-
بلوچستان ءِ جتاجتائیں دمگ لشکر کشی ءِ تہ ءَ اَنت بلے پاکستانی واکدار گیشتر لشکر کشیاں پدر نہ کنت-
لشکر کشی ءِ وھد میتگانی سر ءَ بیڑبرگ ءُ مردماں زورانسری آوار جنی ءِ رپورٹ ھم نکش کنگ بیتگ اَنت-