بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں پانزہ اگست ءَ کیچ ءِ بنجاھی شھر تربت،سنگانی سر ءَ زورگریں پاکستان ءِ پوج چیریں ادارہ ءِ کمکار نصیر احمد ء پیر محمد تیر جتگ ءُ کُشتگ، اے راجی میاربار گْوستگیں شش سال بیت کہ پہ ایم آئی ءِ احمد نامیں سروگانے ءَ کار کنگ ءَ بیتگ ءُ گْوستگیں دو سَے سال بیت کہ باز پُرکار بیتگ۔
جارکش ءَ گْوشتگ مئے سرمچار یحیٰ پنام سکے ءِ شھید کنائینگ، بالاچ مولابکش ءِ زوربیگواھی ءُ پد ءَ کنائینگ ءُ شھرک ءَ مئے دو ھمبلانی سر ءَ اُرش کنگ ءَ ھم ھوار بیتگ۔
جارکش ءَ گْوشتگ کہ اے راجی میار بار پاکستانی پوج ءُ پہ چیریں ادارھاں چاریگی ءُ آسراتی دیگ ءِ کار ءَ کنگ ءَ بیتگ، سرمچارانی شھید کنائینگ ءَ ھوار دُرسیں پوجی کاراں پوج ءِ کمک بیتگ ءُ چاگردی دگہ بازیں سلکاریاں ھوار بیتگ۔
جارکش ءَ گْوشتگ کہ ریاست ءِ کمکار نصیر احمد شھرک، کِکِن، کیساک، تربت ءُ بلیدہ ءِ بازیں جاھاں مردمانی زور بیگواھی، بلیک میلنگ، بیھار ءُ دگہ پندلانی پارست ءَ مردم ءُ گیشتِر ورنا پہ زْرمبشت ءِ بگیری ءَ کار کنگ ءَ لاچار کُرتگ اَنت۔
جارکش ءَ گْوشتگ اے ریاست ءِ کمکار ءَ نہ ایوک ءَ ورنا بلکیں جنین ھم دلسیاہ کُرتگ ءُ ریپینتگ اَنت ءُ زْرمبشت ءِ بگیری ءَ چاریگی کنگ ءَ لاچار کُرتگ اَنت، چہ ایشی ءِ ٹولی ءَ باز مردم کار کنگ ءَ کہ چہ ایشاں لھتیں جنین ھم ھوار اِنت۔
میجر ءَ گْوشتگ بی ایل ایف ءِ اھوتی ٹولی ءُ سرمچاراں چہ ریاست ءِ کمکار ءَ بازیں چیزے ( پجار کارت) دستیگ کُرتگ کہ پہ نصیر احمد ءَ کار ءَ بیتگ اَنت۔
جارکش ءَ گْوشتگ کہ ما آ دُرسیں مردماں کڈن کن ایں ءُ موہ دئیں کہ گل ءُ زْرمبشت ءِ بگیری ءَ چہ وتی چِست ءُ ایراں ھلاس بہ کن اَنت اگاں نہ گڑا پہ سزا ءَ جاڑی بہ بنت۔
آئی ءَ گْوشتگ کہ گوں راج ءَ راجدروھی کنوکیں مردمانی مرگ سَک اِنت،چہ ایشی ءَ آئی ءِ آؤکیں پدریچ ھم شرمندگ بیت۔پہ بلوچ راج ءِ ھرچ مردم ءَ ھژدری اِنت کہ ھرچ وڑ ءَ بلوچ راجی زْرمبشت ءِ ھمراھداری ءَ بہ کن اَنت، اگاں کسے زْرمبشت ءِ ھمراھداری ءَ کُرت نہ کنت گڑا کم چہ کم دژمن ءِ کمکار جوڑ مہ بیت ءُ وتی باندات ءَ تھار دیمگ مہ کنت۔بی ایل ایف تچکے ءَ گْوش ایت کہ راجی سیتانی بگیری ءَ ھرچ وڑیں چِست ءُ ایر اوپار کنگ نہ بنت۔
جارکش ءَ گْوشتگ بی ایل ایف ریاست ءِ کارمند ءِ کوش ءَ منّ ایت ءُ ریاست ءُ ریاست ءِ کمکارانی سر ءَ اُرش برجاہ بنت