روکپتی بلوچستان ءِ بنجاھی شھر زاھدان ءَ ایرانی لشکر ءِ چیریں ادارہ اطلاعات ءَ یک لوگے ءِ سر ءَ بیڑ برتگ ءُ اود ءَ یک مردمے آوار جتگ ءُ گوں وت برتگ-
گیشیں اھوالانی رد ءَ زاھدان ءِ ھند باباھیان ءَ ایرانی چیریں ادارہ اطلاعات ءَ یک لوگے ءِ سر ءَ بیڑ برتگ ءُ اود ءَ یک مردمے لٹ ءُ کُٹ کنگ ءَ پد گون وت اش برتگ –
آوار جنگ بیتگین مردم ءِ پجار ابراھیم ھارکوھی ء شھداد ءِ نام ءَ زانگ بیتگ کہ آ زاھدان ءِ نندوک گوشگ بوگ ءَ اِنت-
اھوالانی رد ءَ اے مردم دوشمبے ءِ شپ ءِ ساھت سَے ءَ آوار جنگ ءُ برگ بیتگ کہ چریشی ءَ پد آئی ءِ درگت ءَ دگہ اھوال نہ بیتگ اَنت-
زانگ بہ بیت روکپتی بلوچستان ءَ یکشل ءَ اے دابیں وئیل وھد وھد ءِ سر ءَ پیش آیگ ءَ انت کہ اود ءَ مردم گرگ ءُ بیگواہ ءُ بندیگ کنگ بوگ ءَ اَنت-