بلوچ لبریشن فرنٹ ءِ جارکش میجر گوھرام بلوچ ءَ شنگ کتگیں درشان ءَ پاکستانی پوج ءِ سر ءَ بیتگیں اُرشانی زمہ وارہ منان ءَ گوشتگ سرمچاراں آواران ءُ کیچ ءَ زورگریں پاکستانی لشکر نشانگ کُرتگ ءُ جانی ءُ مالی تاوان داتگ۔
جارکش ءَ گوشتگ اولی اُرش ءَ بی ایل ایف ءِ اسنائپر ٹیم ءَ سیزدہ اگست ءِ بیگاہ ءِ چار ءَ آواران ءِ ھند نوندڑہ ءَ ڈل شھر ءَ برجاھیں دژمنیں لشکر ءِ پانگس ءَ ڈن اوشتاتگیں دژمنیں لشکر ءِ کارمند نشانگ کُرتگ ءُ کُشتگ۔ اُرش ءَ پد زورگریں لشکر ءَ سرمچارانی رندگیری کنگ ءَ سرویلنس کیمرہ بال داتگ، سرمچاراں کیمرہ ءِ نشانگ کنگ ءَ تیرجتگ گڑا دژمن ءَ کیمرہ واتر کُرتگ ءُ بکتربند زُرتگ ءُ سرمچارانی سر ءَ کپتگ کہ سرمچاراں سنگر گپتگ ءُ بکتر بند نشانگ کُرتگ، گڑا بکتر بند ھم واتر تتکگ ءُ پانگس ءَ شُتگ، بلے بکتر بند سرمچارانی تیرانی نشانگ بیتگ۔
میجر گوھرام بلوچ ءَ گوشتگ دومی اُرش ءَ سرمچاراں دوازدہ ءُ سیزدہ اگست ءِ میانی شپ ءِ نوہ ءَ کیچ ءِ ھند بلیدہ، سوراپ ءَ برجاھیں دژمنیں لشکر ءِ پانگس ءِ پھازگی سنگر چہ سک نزیک ءَ نشانگ کُرتگ۔ ھمے وھد ءَ کہ سرمچاراں لشکر ءِ سنگر نشانگ کُرتگ، سنگر ءَ سَے کارمند ساڑی بیتگ۔ اُرش کساس داں نیم اَدار ءَ گوں تُرندے ءَ برجاہ بیتگ۔ اُرش ءَ دُژمنیں لشکر ءِ دو کارمند مُرتگ ءُ یکے سک ٹپی بیتگ، اے اُرش ءَ سرمچاراں ٹوھین ءُ وتکاریں سلاہ کارمرد کُرتگ۔
جارکش ءَ گوشتگ بی ایل ایف ءِ سرمچاراں بلوچستان ءِ جتا جتائیں دمگاں وانگجاھاں شُتگ ءُ وانگجاہ ءِ جنک ءُ بچکیں نودربراں ابید وانگجاہ ءِ سر کارمستر دیستگ اَنت وتگڑیں چاردہ اگست ءِ مراگشانی باروا پنتاک بھر ءُ بانگ کُرتگ۔
جارکش ءَ گوشتگ اے جُھد ءَ بلوچ راج ءَ بے کساس دیمونی داتگ ءُ اے دیمونیانی بیر بلوچستان ءِ آجوئی ءِ دْروشُم ءَ گرگ بیت۔
جارکش ءَ گوشتگ بلوچستان لبریشن فرنٹ دوئیں اُرشانی زمہ واری ءَ منّ ایت ءُ کول کنت کہ دژمنیں لشکر ءُ آئی ءِ کمکارانی سر ءَ داں بلوچ سرڈگار ءِ آجوئی ءَ اُرش برجاہ بنت انت۔