بلوچ یکجھتی کمیٹی ءِ جارکش ءَ گوشتگ ما ریاستی چیریں ادارہ ءُ وتگڑین اُستانی پتر ءِ باسکاں اے گپ ءَ تچک ءَ گوش ایں وتی اے کارپداں گستا بہ بیت – ما سرپد بہ ایں اے وھد ءَ ھما رنگ ءَ ریاست بلوچستان ءَ زلم ءُ زوراکیاں کنگ اِنت ءُ باز زوت ءَ اے زلم ءُ زوراکیانی پسو راجی اوپار ءَ گوں دیگ بیت اِنت ءُ اے زُلم ءُ زوراکیانی ھلاپ ءَ لکانی مھلوک دگانی سر ءَ درکپ ایت ءُ زُلم ءُ زوراکیان ولگوج کن انت-
آئی ءَ گوشتگ ما وتگڑیں اُستانی پتر ءِ باسکاں اے گپ ءَ تچک ءَ گوش ایں ھما ڈول ءَ شما یک سیٹے گپتگ ءُ لھتے واھگانی پد ءَ شاھی ءَ گیش شاھدار دوست بوگ ءِ جھد ءَ ئے ءُ وتی راج ءِ سر ءَ بوھوکیں زُلم ءُ زوراکیانی پلامرزی ءَ کنگ ءَ ئے ءُ اے چاگردی جرم ءِ آسر ءَ شمارا ھم اے چاگردی جرم ءِ دیمپان کنگ کپ ایت –