بلوچستان ءَ زورانسری آوار جنی ءِ بگیری ءَ وی بی ایم پی ءِ زھرشانی ءِ گدان ءِ شال پریس کلب دیم ءَ پنچ ھزار پنچ سد ھژدھمی روچ ءَ برجاہ-
مروچی زورانسری بیگواہ راشد حسین ءِ مات ءَ زھرشانی ءَ بھر زرتگ، آئی ءَ دزبندی کتگ کہ آئی ءِ چک ءِ درگت ءَ سرپدی بدے اِت-
آئی ءَ گْوشتگ کہ منی چک ریاست پاکستان ءِ دست ءَ اِنت، آئی ءِ یل بہ کن اَنت آمیدگس ء پیش بہ کن اَنت-
آئی ءَ گْوشتگ آ وتی چک ءِ پہ سلامتی یل کنائینگ ھاتر ءَ انساپ دیگ واستا جوڑ کتگیں ادارھانی دراں ٹُکگ ءُ آیگ ءَ آں-
راشد حسین مات ءَ گْوشتگ بلے کس ءَ دل یکیم نہ کتگ آئی ءَ ڈیھ ءِ کانود رِد ءَ انساپ بدے اَنت-