تربت ءَ آئی ایس آئی ءِ یک کارمندے کشتگ – بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں وتی درشان ءَ گوشتگ مئے سرمچاراں تربت ءِ شھر ءَ زورگریں پاکستان ءِ چیریں ادرھانی کارمندے کشتگ –

آئی ءَ گوشتگ بی ایل اے ءِ سرمچاراں تربت ءَ گوادر اسٹاپ ءَ پاکستانی چیریں انٹر سروسز انٹیلیجنس ءِ یک کارمند ارشاد ء گل مھمد جھمنند سندھ تیرگواری کتگ ءُ کشتگ-

جارکش ءَ گوشتگ ایشی ءَ وتی رنگ ءُ دروشم مٹ کتگ ءُ آئی ایس آئی ءِ واستا تربت ءِ شھر ءَ چاریگری کتگ-

گڈسر ءَ بلوچ لبریشن آرمی ءَ گوشتگ اے اُرش ءِ زمہ واری ءَ من ایں ءُ زورگریں پاکستانی پوج ءُ آئی شریدارانی سر ءَ مئے اُرش برجاہ بنت اِنت-