تربت – بیگواھیں مردمانی : 5 روچاں برجاھیں زھرشانی نندانک ءَ کھولانی جاور ناگیگ

بلوچستان ءِ دمگ کیچ ءَ گوستگیں پنچ روچاں ڈی سی ءِ کارگس ءِ دیم ءَ بیگواھیں مردمانی کھولانی زھرشانی نندانک برجاہ اِنت کہ اود ءَ بیگواھیں مسلم ءِ پت عارف ءِ جان گرم ءِ سبب ءَ ناجوڑ بیتگ-

جتا جتائیں ھنداں سیادی داروکیں دَہ مردمانی کھول اے زھرشانی نندانک ءَ ھوار اَنت کہ وتی مردمانی یل کنگ ءِ لوٹ ءَ کنگ ءَ اَنت-

زانگ بہ بیت کیچ ءِ ھند ءُ دمگاں اے وھد ءَ ترندیں گرم وتی زوران اِنت کہ چِد ءُ پیش ھم کھولاں نندانک داتگ بیتگ –

اے سیمی رند اِنت دمگدار ءِ کارگس ءِ دیم ءَ بیگواھیں مردمانی کھول وتی زھرشانی نندانک ءَ کنگ ءَ اَنت ءُ اے رندی بازیں زھگ ءُ زالبول گرم ءِ سبب ءَ نادراہ جاھاں برگ بیتگ اَنت-