1984 بک رویو
نبشتہ کار: اعجاز بلوچ
دی بلوچستان پوسٹ
جارج ارویل ءِ راست ءِ نام ایرک آرتور بلئرانت ، آ 1903 ءَ ھندوستان ءَ ودی بوت ءُ آئی ءِ پت یک سول سروسے ءِ ملازم ات آیانی کھول 1907 ءِ سال ءَ انگلینڈ ءَ لَڈ اِت شُت اَنت۔
جارج ارویل ءِ دو گدار ( ناول ) سک نامدار بوت انت یکے اینیمل فام ءُ دومی 1984 اِنت۔ اے گدار 8 جون 1949 ءَ چاپ شنگ بوتگ انت ۔ ایش چہ 65 ءَ گیش زباناں رجانک بوتگ اے گدار ءِ کسہ تھیم کردار مرچگیں جاوراں درانگاز کن انت۔
1984 کتاب to tallitarianism یک تھرے ( Types ) ڈکٹیٹر شپے، اے ڈکٹیٹر ملک ءِ درس لس مھلوک ءَ چارگ ءَ انت چے ور انت چے کن انت کجا رو انت ءُ وتی وھد ءَ کجا گوازین انت چے وان انت چے نبشتہ کن انت جارج ارویل اے بک ءَ ھما وھدا نبشتہ کنت کہ نازی جرمنی ءِ گورنمنٹ ءَ بیت آئی ءِ ابرم ٹوٹیلینزم میگ ات انت اے کتاب ءِ تہ ءَ لندن شھر ءَ یک ٹوٹیلینزم ءِ تہ ءَ پیش داشتگ کہ آوکیں وھد ءَ کہ لندن شھر ءَ اگاں ڈیموکریسی ءِ جاگہ ءَ ٹوٹیلینزم ءَ بوت گڑا لس مھلوک ءِ تہ ءَ چونیں جیڑھے کیت اِنت۔ اد ءَ لندن شھر ءَ باز ڈپریسنگ جاگہ ءِ پیش داشتگ لس مھلوک ءَ پُچ ءُ پوشاک نیست پادشپاد اَنت مھلوک ءِ گِس (لوگ)پرشتگ انت یک نوک کنوکے نیست بلے اود ءَ مزن مزنیں ماڑی ( بلڈنگ ) ھست تھنا پہ سرکاری اپسرانی ھاتر ءَ اَنت ھر جاگہ شھر ءَ مزن مزنیں پوسٹر جتگ ، پوسٹرانی سر ءَ نبشتہ انت “Big Brother is watching you” اود ءَ جنگ بیگ ءَ انت بلے کس ءَ سما نیست انت کہ کئےجنگ کنگ ءَ انت پرچا جنگ بیگ ءَ انت مھلوکانی لوگ ءَ گورنمنٹ ءَ ٹی وی اسکرین انسٹال کرتگ دانکہ مھلوک کہ ھر سُر ءُ پُرے کنت ءُ تران بہ کنت گِند ایت آئی ءِ سر ءَ نزر سک انت ءُ مھلوک اے چیزاں بند کرت ھم نہ کنت اگاں مھلوک بند کنت گڑا پولیس ھمود ءَ رس ایت ءُ ایشاں زندان ءَ بند کنت مھلوک اد ءَ گوں یکے دومی ءَ مھر ءُ دوستی کُرت نہ کنت ءُ دگہ ھِچ Relationship ءِ وڑ نیست اد ءَ دگہ ھِچ وڑیں مارِشت بوت نہ کنت اد ءَ بس پہ Reproduce ءِ ھاتر ءَ آروس(سُور)کنت مھلوک ٹی وی ءَ انچیں پروگرام ءُ ورزش نشان دنت ٹی وی تہ ءَ مھلوک ءَ تھنا ھمے وڑیں پروگرام چارگی انت ءُ ھمیشانی سر ءَ بیسہ کنگی انت۔ بس سروس ءِ بارو ءَ جیڑگی انت گورنمنٹ ءِ لوٹ ھمیش انت کہ مھلوک ھما چیزاں بہ کنت ءُ لوٹ ایت ھما چیزاں مہ لوٹ ایت
اد ءَ کانود ھما مردماں جوڑ کرت ءَ ھماواں Captilastگوش انت ونسٹن سمت ءَ 39 سال انت ءُ آ یک گورنمنٹ ملازمے ءُ آ باز ھراب ءُ دلپروشیں زندگی یے بھر انت ونسٹن سمت ڈائری نبشتہ کنگ بندات کنت کہ ایشانی زندگی چنکس دلوارگ انت ءُ آ اے مار ایت کہ چہ “Big boss”ءَ پیسر ایشانی زندگی چون بوتگ بلے ایشانی درستیں رمبشت ءَ را big biss ھلاس کرتگ ونسٹن ءَ زندگی ءِ تہ ءَ دو مردم ءِ پِگر بوتگ یکے ھمائی کہ آپِس ءَ کار کنوکیں جنکے بلے ونسٹن ءَ گوں جنک ءَ سک زد انت پرچاکہ ونسٹن ءَ زانتگ آ گوں ایشی تران کرت نہ کنت اے راھبنداں پیلو کنگی انت ءُ اے جنک یک پولیٹیکل پارٹی یے ءَ ھم کار کنت ونسٹن ءَ اگاں ھبر بوت ۔ دومی مردم اوبرھن ءِ یک سینئر پوسٹ ءَ انت ءُ باز زور مند انت ونسٹن ءَ لگ ایت کہ ابراھم ھم گوں پارٹی ءَ زد انت ھمے جنک ونسٹن ءِ آپِس ءَ کار کنت ءُ ونسٹن ءَ نمدی یے نبشتہ کنت ءُ گوش ایت کہ من ءَ گوں تو مھر (پیار ) انت اے جنک ءِ نام جولیا انت ونسٹن گو جولیا گند ءُ نند کنگ لوٹ ایت ءُ شھر ءِ تہ ءَ ھچ وڑ نیست گڑا اے جنگل ءَ ھمنیاد بنت ءُجولیا ھم ھمے ڈکٹیٹر شپ پارٹی ءِ بگیری ءَ انت ءُ ھلاس کنگ لوٹ ایت ونسٹن نوں بلکل ایٹکیو باگی یے جوڑ بوتگ ءُ ابراہیم ایشر ءَ وتی آپِس ءَ کار ءِ ھاتر ءَ وتی گِس ءَ لوٹائین ایت ونسٹن سرپد بیت بلکیں ابراہیم ھم گوں پارٹی ءَ زد انت ونسٹن جولیا ءَ زور ایت ابراہیم ءِ کرا روت ءُ ابراہیم ایشاں گُش ایت کہ من وَ گورنمنٹ ءِ بگیری ءَ آں ءُ ایشاں انچین کتابے دنت آ کتاب ءِ تہ ءَ اے ٹوٹل چیز نبشتہ انت کہ گورنمنٹ چون مھلوک ءَ ایردست کنت ونسٹن ءُ جولیا اے کتاب ءَ زورانت گِس ءَ روانت ھنچو گِس ءَ سر بنت گڑا پولیس کیت ایشاں دزگیر کنت پرچاکہ ابراہیم وت ھمے پارٹی ءِ واست ءَ وت کار ءَ انت گڑا پد ءَ ونسٹن ءَ پولیس ٹارچر کنت گُش ایت کہ اگاں ماں بگوش آں کہ 4=2×2 نہ 5= 2×2 بنت گڑا مھلوک ءَ اے چیز بس سرپد بوگی نہ انت بلکیں باور ھم کنگی انت اے بلکل یک ایکسر سائزے ایشی گورنمنٹ مھلوک ءِ مگز (دماغ) ءَ بلکل دستیگ کنت ءُ ونسٹن ءَ ٹارچر کنت گڑا ونسٹن ءَ ھمنچو ٹارچر کنت ونسٹن گش ایت کہ ٹارچر جولیا سرا بہ کنت گڑا گورنمنٹ پھم ایت کہ اے نون ھچ کرت نہ کنت پھک ءَ پرشتگ گڑا ھر دوکاں آجو کنت۔
اگاں اے جاور ھالاں من بہ چار آں بلوچستان ءِ تہ ءَ ریاست لھتیں ھمے وڑیں وتگڑیں پالاسی جوڑ کرتگ لھتیں مھلوک ھمے چیزانی آماچ انت ءُ منوگر اوں ھست انت ریاست ءَ ایشاں ھمے وڑ ترُس ءِ آماچ کُرتگ ھر دومی مردم گُش ایت من نیوٹرل آں جنگ زدہ دمگے ءِ تہ ءَ یکے نیوٹرل بوت نہ کنت ءُ ھر یک چیزے بہ کنت یاں مہ کنت بلے ایشاں ٹارچر کنت ءُ ھمے وڑ چہ زندگی ءَ بیزار بنت بلوچستان ءَ مھلوک ھمے وڑ ءَ ترُس ءِ آماچ انت کہ گْوش انت کے گورنمنٹ مارا ھر وھد ءَ چارگ ءَ انت ءُ مارا ھچ کنگی نہ انت بس وتی زند گوازینگی انت مارا گوں یک چیز ءَ کار نیست بس ربوٹ ءِ وڑ ءَ کار بکن ھچ مہ جیڑہ ھچ مہ کن پرچاکہ واجہ چارگ ءَ انت بس مھلوک ءَ پہ وتی ھاتر ءَ یک ساکمیں ھَدے ( کمفرٹ زون ) جوڑ کرتگ یک کسانیں گِردانک (سرکل) ءِ تہ ءَ انت دیم ءَ روگی نہ انت یاں جھد نیست گڑا اے وڑیں پالیسیانی پُروش دیگ ءِ ھاتر ءَ مارا گھگیری ءِ راہ زُورگی انت ءُ جْوان جْوانانیں لیٹریچر وانگی انت ءُ جیڑگ زانگی انت مارا وتی دیوانانی تہ ءَ ھمے چیز بْیان کنگی انت تاکہ چہ مھلوک ءِ مجگ ءَ تُرس ھلاس کنگی انت مارا وتی کش ءُ گْورانی جاورھال مٹ کنگی انت اگاں یک چیزے بیگ ءَ انت پرچا بیگ ءَ انت اے کار ءَ کے کنگ ءَ انت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔