مروان جان پہ گلزمین سالونک بوت
نبشتہ کار : مھران بلوچ
دی بلوچستان پوسٹ
چوناھا چوشیں کرد ئِے واھندانی ھاتر ءَ لبز نیست کہ من نوسیت بہ کن آں بلے گون وتی نزوریں لبزاں لھتین لبز نویساں مروان جان مدام پہ گلزمین ءَ گنوک ءُ شید ءَ ات برے برے من مزاک کُت ءُ گوشت بچا ملو تو گنوک ئے بلے آئی ءَ بچکند ات ءُ گوشت من وتی گلزمین ءِ کنوگ اں واکی آ گلزمین ءِ گنوک ات ءُ گلزمین ءِ دیوانگ ات ءُ شید ءَ ات-
آئی ءِ دیم ءَ زمین ءَ دیم دگہ ھچ دیم ءَ نہ ات اے بلے چنچوک بزگی ءُ واری ءَ ابید انگت دائم بچکندگ ءَ ات ءُ مدام گوشتے سرمچار ءِ بہ گوں دلا ڈڈ کن ءُ مدام گوشتے آزادی ءِ واستا کربانی لوٹ ایت آزادی وسرا نہ رس ایت ءُ آئی ءَ مدام ھمء مراد ات کہ من پہ گلزمین سالونگ بہ باں-
آئی ءَ گلزمین ءِ سالونکی ءِ واھگ سرجم بوت ءُ وت سالونک بوت ءُ گلزمین ءِ وتی بانور کت داں جھان ھست انت نمیران بوت ءُ مان نیلیں زر ءِ چولانی توک ءَ بچکندگ ءَ اِنت ءُ ماں ھاک ءِ وشبو ءَ ھوارین ھو زمین ءَ وتی امبازاں زرتگ ءُ وش واب اِنت-
ملو ترا گپے بہ گوش اں پہ تئی سالونکی ءَ منی چمانی ھرس دارگ نہ بوت آنت ءُ پد ءَ من وت ءَ گوشت بچا تو گنوکے ملو وتی مراد بوتگ کہ من پہ گلزمین ءَ سالونک بہ آں ءُ تئی گپ ءُ سوچ منی دیم ءَ اتک انت ۔ کہ کربانی لوٹ ئے بید ءِ کربانی ءَ ھچ نہ بیت اِنت آزادی ھون لوٹ ایت ۔ ملو من تو رخصت ناں یک جاہ تو ساری ءُ من رند ءَ پد ءَ دو بر نندیں دیوان ءُ مجلس کن ایں ءُ یک دومی ءَ کنت کن ایں ءُ ٹھک دیں کند ایں –
ھاک ءِ وشبو ءَ ھوارین پدا واتر کاٸین۔ ماجنگ ءِ مان کسھاں کارین پدا واتر کاٸین
ماں مرید ءِ زمین پما گوشے ئے چو ھانی عشق ماں آنچو کماریں پدا واتر کاٸین
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔