بلوچ لبریشن آرمی ءِ مجید بریگیڈ ءَ 2019 ءَ چینی انجینئرز ءُ زرکاری ءِ بنجل، گوادر ءَ پرل کانٹی نینٹل ھوٹل ءِ سر ءَ اُرش ءِ ھواری ءَ ’آپریشن زرپھازگ‘ ءِ بندات کتگ-
زرپھازگ، ایشی ءِ مول ءُ مراد ” زِر ءِ پھازگ” اِنت، آپریشن ءِ مول ءُ مراد بلوچستان ءَ دری زرکاریانی ھلاس کنگ، گچینی دروشم ءَ سی پیک شوربندی ءَ چین ءِ ھواری، اود ءَ چین ءَ 60 بلین ڈالر ءِ زرکاری جتگ-
بلوچستان ءِ ھند گوادر زِر کہ بھیرہ اَرب چین ءَ ھوار بیت اِنت، چُشکہ زرکاری ءَ نا ایوک ءَ یک اسٹریٹیجک ءِ بنجل ءِ رنگ ءَ گچین بیت اِنت-
سال 2021 ءَ زرپھازگ ءِ درچ ءَ بی ایل اے مجید بریگیڈ ءَ دومی اُرش کتگ، چریشی ءَ گوادر ءِ شھر ءَ چینی انجینئرز ءِ کاروان نشانگ کتگ بیتگ، اُرش ءِ آسر ءَ چینی انجینئرز ءُ پاکستانی لشکر ءَ جانی تاوان چِست کنگ کپتگ-
گوستگیں سال ءَ گوادر پورٹ ءَ کساس 8 میل ءِ دوری ءَ گوادر ءِ شھر ءَ آپریشن زرپھازگ ءِ سیمی درچ ءَ بی ایل اے مجید بریگیڈ ءِ دو فدائیناں چینی انجینئرزانی سر ءَ جانکُشیں اُرش کتگ چریشی ءَ بازینے مرتگ اَنت-
چارُمی اُرش گوادر ءِ بندرگاہ ءِ ھند ءَ بیتگ چریشی ءَ پاکستانی انٹیلی جنس ایجنسی آئی ایس آئی ءُ ایم آئی ءِ کارگس نشانگ کتگ اَنت ، چُشکہ یک چیریں ماڑی یے کہ گمانی رنگ ءَ چینی چیریں ادارہ میان اُستمانی زری چاریگری ءِ واستا کارمرد کنگ بیت اِنت-
آپریشن ءِ چارُمی درچ ءَ بی ایل اے ءَ وتی 8 باسکانی نمیرانی ءِ ھال راست کتگ ءُ پاکستانی چیریں ادارانی آفسر ءُ کمانڈوزاں ھوار کم چہ کم 25 کارندھانی کُشگانی زمہ واری من اتگ اَنت – ھمے ڈول ءَ گل ءَ اے کَول کتگ کہ پاکستان ءُ چین ءِ درایگ ءَ اُرش برجاہ بنت اِنت-
