کیچ: بلوچی زبان ءِ گشندہ بیران بیتگ

کیچ ءِ دمگ دشت ءَ بلوچی زبان ءِ گشندہ برکت بل والا بیران بیتگ- آ گوستگیں شپ ءَ ناگتی وتی ھنکین ءَ بیران –

آئی ءِ بیرانی ءِ اھوال چاگردی رسانکجاھاں گوستگیں شپ ءَ شنگ ءُ تالان بیتگ کہ آئی ءِ بیرانی ءِ اھوال ءَ گوں بلوچ گشندھاں ھوار بلوچ چاگردی ترامجاھاں کارمرد کنوکین مردم دلپدردی درشان کنگ ءَ اَنت-

برکت بل والا وتی ناماں نامانیں گشندھے بیتگ کہ آئی ءَ روکپتی ءُ رودراتکی بلوچستان ءَ بازیں براں آروسی دیواناں سوت گوشتگ اَنت-

برکت بل والا کساس پنچ سد ءَ گیش پِت بند دیم ءَ آورتگ اَنت کہ آئی ءَ جتا جتائیں آروسی دیواناں گوشتگ اَنت –

آئی ءَ گیشتر زیروک ءَ ھوار لس توار ءَ ھم سوت گوشتگ اَنت ،آئی ءِ نماز جنازہ مروچی ماں بل ءَ آئی ءِ ھنکین ءَ بوگی اِنت-