جنگ
جلال اھمد
دی بلوچستان پوسٹ
راج مستریں وھد ءِ ھیال
دُودانی نوکیں مئے پال
مٹّان بنت انچوش سال
گْور کِرّگ اَنت درد ءِ سوال
رھن اَنت پد ءَ زِرد ءِ موال
گِیرانی زُرمبشت چِست بنت
گُوشاں کپ اَنت نوکیں مئے پنت
چم جَھل وتی کِشک ءَ رَو اَنت
اِشکے سَبک الّم تو ونت
کارے پد ءَ انچو بِہ کنت
رُژنائیں راھاں گِیر بیار
پیادگ بَہ اَنت مِسلے سوار
دْرنج اَنت وتی سُنٹ ءَ ھَوار
لانک بند بنتیں شھسوار
جنگی کماندار ھم ھَوار
رنج ءِ گُلامی گار بات
دُژمن ترا مارے ورات
دْرین ءِ چُو پُل ءَ سجات
ھمبل تئی شادان بات
راجی مئے بیرک بُرز بات
جنگے کہ من تام ءَ چَشاں
انچوش چو آس ءَ جُشاں
زُورگِیر ترا اَلّم کُشاں
گُپتاں ترا دیم ءَ گُشاں
مسکیں زمین ءَ پہ چُشاں