بلوچستان ءِ دمگ کیچ ءِ ھند تربت ءُ تمپ ءَ پاکستانی پوج ءِ سر ءَ سلاہ بندیں مردماں اُرش کتگ – اُرش ءِ آسر ءَ پوج ءَ جانی تاوانانی بوگ ءِ ھال اِنت-
گوستگیں شپ ءَ ناشناسیں مردماں تربت بالی پٹ دگ ءَ پاکستانی پوج ءِ چوکی ءِ سر ءَ دزبمبے چگل دیگ بیتگ کہ چریشی ءَ بمب ترک اتگ ءُ اُرشکار جِستگ ءُ شتگ اَنت-
ھمے وڑ ءَ سلاہ بندیں مردماں تمپ ءِ ھند کسانو ءَ پاکستانی پوج ءِ پوسٹ ءِ سر ءَ اُرش کتگ،اُرش ءِ وھد ءَ دمگ ءَ بازیں کچے ءَ تراک ءُ تیرگواریانی توار اشکنگ بیتگ اَنت-
داں انگت ءَ واکدارانی نیمگ ءَ اے درگت ءَ دگہ گپ دیم ءَ نیتکگ اَنت-
بلوچستان ءِ دمگ کیچ ءَ ھوار دگہ ھنداں بلوچ سلاہ بندیں گل پرکار اَنت ءُ جتا جتائیں وھدانی توک ءَ پاکستانی پوج ءَ نشانگ کنگ ءَ اَنت ءُ چریشی ءَ پاکستانی پوج ءَ جانی ءُ مالی تاوانانی دیمپانی کنگ کپتگ-