جھاؤ ءَ پاکستانی پوج ءِ کاروان سر ءَ اُرش کنگ بیتگ

بلوچستان ءِ دمگ آواران ءِ ھند جھاؤ ءَ ناشناسیں سلاہ بندیں مردماں پاکستانی پوج ءِ کاروان سر ءَ اُرش کتگ-

گیشیں ھالانی رِد ءَ جھاؤ ءِ دمگ سیڑ ءَ مروچیگیں سھب ءَ ناشناسیں سلاہ بندیں مردماں پاکستانی پوج ءِ کاروان سر ءَ اُرش کتگ-

اِھوالکارانی رِد ءَ اُرش ءَ پوج ءَ جانی تاوان چست کنگ کپتگ وھدے کہ اُرش ءَ پد وئیلجاہ ءَ بالگرد سر بیتگ اَنت-

واکدار نیمگ ءَ انگت درشان دیم ءَ نیتکگ ءُ نانکہ اُرش زمہ واری دگہ گلے ءَ منّ اِتگ-

زانگ بہ بیت گوستگیں روچ ءَ کیچ ءِ دمگ بلیدہ ءَ پاکستانی پوج سر ءَ یک اُرشے ءَ پنچ کارندہ مرتگ کہ آئی ءِ زمہ واری بلوچستان لبریشن فرنٹ ءَ زرتگ اَت-

یات بہ بہ اِت کہ پاکستان پوج ءِ ھمگرنچیں ادارہ آئی ایس پی آر ءَ بلیدہ ءِ اُرش ءُ بیرانیانی پدری رسانکدر ءَ شنگ کتگ-