شال ءَ سلاہ بندیں مردمانی تیرگواری ءَ پولیس کارمندے مُرتگ

بلوچستان ءِ بنجاھی شھر شال ءَ ناشناسیں سلاہ بندیں مردمانی تیرگواری ءَ پولیس کارمندے مُرتگ –

تیرگواری ءِ وئیل سیٹلائٹ ٹاؤن مکران دگ ءَ بوتگ ءُ تیرگواری ءَ محمد افضل نامی پولیس ءِ مرتگ –

پولیس ءِ رِد ءَ اے کارمند ءَ گس ءَ دراتکگ دیم پہ یونیورسٹی ءَ کار ءِ سر ءَ رؤگ ءَ بوتگ کہ سلاہ بنداً نشانگ کتگ –

زانگ بہ بیت بلوچستان ءِ بنجاھی شھر شال ءَ بیست ءُ چار ادارانی میان ءَ اے دومی وئیل انت کہ ھردو وئیلاں دو پولیس کارمند مرتگ انت – گوستگیں روچ ءَ رودراتکی دگ ءَ تیرگواری ءَ یک پولیس کارمند ءِ مرتگ ات –