نبشتانک: پیرمرد
نبشتہ کار: شاھد اھمد
دی بلوچستان پوسٹ
من چہ ھدا ءَ دزبندی کناں اے پیرمرد ءِ سر ءَ کمو بزگ بکنت، اے پیرمرد بلوچے چہ وتی لاڈیں بچ ءِ جتائی ءَ سک ءَ بزگ اِنت۔
بلوچ گوں درداں اَمبار اِنت، چماں گواھی دیگ ءَ یکشل ءَ ملور ملور ءَ یل دیان اِنت من پہ کَے کَے ءَ درداں ھمگرنچ بکن آں ءُ درد باز اَنت بلوچ ءِ۔
مرچی من نندانک ءَ جتا جتائیں بلوچے ءَ ھمدپ بوت آں ھر کَسے ءِ درد یکیں اِت اَنت بس چاگردی جاور جتا اِت اَنت من ھم چہ اندر ءَ بُن گِران اِت آں، سَگگی اِت اَنت۔ بلوچ بوگ گران اِنت پہ ھمایانی واست ءَ بلکیں اے درد نہ اِت اَنت چیاکہ چوشیں بلوچانی گمان ءُ سَسّا ءَ ھچ پِگر ءُ سما اوں نیست اِت اَنت۔ نندانک ءِ تہ ءَ مات، گْوھار، چُک، برات ءُ کماش من دیستگ اِت اَنت ءُ اے درست بلوچ اِت اَنت، بزگ اِت اَنت۔
ھمے ساھت ءَ من لھتے سیاسی سنگتانی گوم ءَ دُچار کپت آں۔سیاسی گپ ءُ رَپ بندات بوت بلے من سیاسی مردمے نہ اِت آں ھمے درگت ءَ سیاست من ءَ لوٹگ ءَ اَت۔
سیاست چے یے ؟ من ھمے گُشگ لوٹ آں کہ سیاست ریاست ءِ تہ ءِ مردم بے وس اَنت، ھما مردم کہ ریاستی سیاسی پولیسیاں پہ راجی گِھبودی ءِ واست ءَ پرچا کارمرز نہ بیت ءُ ھما مردم کہ ریاست ءِ بارو ءَ سیاسی سنچے کہ دارگ ءَ اَنت آیانی کِرد گوں مَھلوک ءَ چے اَرزشت دار اَنت؟ یکشل ءَ من گوشدارگ ءَ اِت آں۔ ھمے ساھت ءَ پُشت ءَ مردے ءَ گْوانک جَت ءُ من ھمے سیاسی سوچیں مردماں ودار دات کہ من پد ءَ کایاں۔
یک کلاکے ءَ رَند من پد ءَ وت ءَ نندانک ءَ سر کُت ءُ سر بوگ ءَ پد سیاسی سنگت اد ءَ نہ اِت اَنت، من نشت آں۔ منی دیم پہ دیم ناکو میار نشتگ اَت، ناکو درداں سرّیچ اَت منی دل ءَ گُشت ناکو ءِ گوم ءَ گپ بکن آں بلے دل مَرّینگ ءَ نہ اَت۔ من بس ناکو ءَ چارگءَ اِت آں۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔