منزل نزیک انت توار کپتگ – ناسر واھگ

نبشتانک: منزل نزیک انت توار کپتگ

نبشتہ کار: ناسر واھگ

دی بلوچستان پوسٹ

انچُش کہ ما ءُ شُمَا سرپد انت کہ مئے بلوچ راج ءِ نزوری ھمیش انت ما ءَ یکجاہ ءُ تباک ءُ ھور نہ آں ماہ یکے دومی ءِ رنج ءُ گَم ءِ توک ءَ آئی ءِ ھچ کُمک نہ کن اَنت ءُ اگاں ھمے رنجگ مئے سرا کیت ماں چنچو مردُم دل کار اِیں کہ اڑے!مرچی اگاں کسےگومن ءَ ھمراہ بوتیں من اَلّم اے روچ ندیست پہ وت ءَ ۔۔۔ مئے تاکت مئے ھوری ءُ  تِپاکی انت اگاں ما تپاکی ءِ درس ءَ  دربر آں گڑا مئے مَجِگ کار کنت کہ مئے تپاکی مارا یک تاکت ئے دنت مئے میر ءُ مستر مئے تاکت نہ انت ما بلوچ راج بہ لوٹ ئے آئی ءِ وتی جند ءِ نس ءَ یک واک ئے ھوار انت-

بلوچ راج ءِ توار ءَ بازیں راج دوستیں مردم کیت چیا کہ آ سرپدیں کہ مرچی آ اِنت باندا منی باریگ کیت مرچی اگاں من نہ اوشتان منی باریگ ءَ کس جھد نہ کنت ءُ کسے دل نہ کش ایت کہ ماں مرچی آئی ءِ توار ءَ گوں ھوار بہ باں آئی ءِ توار ءُ کوپگ بہ باں-

انچوش کہ مئے بلوچ راج ءِ تہ ءَ نودربر باز کم اِنت ھو نہ کہ گونڈویے نہ مستر ایں مردم ءِ نوں کسانیں گونڈلے کہ آئی ءِ پت نزانت کہ وانگ ءُ زانگ چےئے گڑا وتی چک ءَ راہ ءَ چوں شریں رائے نیمگ ءَ بارت بلئے کس نہ گُش ایت کہ مئے میتگ ءَ وانگجاہ اَلّمی انت پرچہ کہ گونڈویں دومی چکاس پاس نہ کُت آئِر ءَ دگہ جاھے ءَ دیم دات کُت نہ کنت ھو ھمے پیم ءَ آ نزان اَنت کہ کتاب چئے وانگ چئے مرچی تو نہ اوشت ءِ کہ وھدے من ھمے جھد ءَ کہ کسانیں گونڈواناں وانگجایے بدے تاکہ مئے راج بہ وان ایت ءُ شریں منزل ءِ رسگ ءَ سوبین بہ بیت اگاں ما ءُ شُما کسے رنج ءُ پریشانی ءَ آئی ءِ ھمراہ نبین گڑا اے رنجگ گیش بیت کم اِنّاں-

اے گپاں چہ من ءَ یک کِسّہ ءِ یاد آتک

چوش انت کہ یک کوہ ءُ جنگل ءِ تہ بازیں ھلک اَتاں یک شپانک ئے ھست اَت شپانک ءُ آئی ءِ مات ءِ یک کستریں گوھارے ھمے میتگ ءَ اَتاں شوانگ ھمروچ شت پس ءُ میشاناں زرت دیم پہ کوہ ءَ آدگیں مردم چوکلدار والا اَت اَنت آیاں وتی پس دگہ شپانکے ءِ ھوال ءَ دات آں یک روچے ہمے چور ءَ ایں شپانک ءِ  پساناں گُرکے بورینگ ءَ لگ اِت ایشی ءَ کوکار کت بْیا منی پس ءَ رکین انت چہ گُرک ءَ مالوک کس پہ شپانک ءَ پاد نیاتک گرُک ءَ سیر کت وتی لاپ پُر کُت شُت شپانک گریوان اَت لوگ ءَ  اَتک- 

دومی روچ ءَ ھمےکہ مستریں مردم ءَ ھمیشانی پسانی بورینگ ءَ لگ اِت واجہ کوکار کُت بْیا منی کمک ءَ بکنت کس نیاتک شپانک ءَ وتی ھمساھگ زرت آتان ھو گُرک ءَ راہ ءَ لٹ ءُ تُپنگ پہ جت شپانک ءَ ھمے گپ کش اِت کہ اگاں واجہ تو زی منی کمک ءَ بْیاتک اینے آئِر ءَ ماں زی جت ات مرچی اے روچ تئی سر ءَ نیاتک۔

کل بلوچ راج یکجاہ ءُ ھمکوپگ بِنت  ھو یکے دومی ءِ توار ءِ گوں ھمتوار بیں انچش کہ انوں واکے ءَ ئے بوتگ مئے بانک ایں گوھاراں وتی جھد برجم داشتگ امید کناں کہ بلوچ راج ،راج دوست بہ بیت یکے دومی ءِ نزوری ءَ آئی ءِ کمک ءَ بہ کنت اِنت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔