نبشتانک: بلوچ جنگ ءِ دَانا ءُ زانوگِر
نبشتہ کار: شاکرشیخ
دی بلوچستان پوسٹ
جنگانی اَندر ءَ دَانا ءُ زانوگِر ءَ اَبید مُکلسی ، ایمانداری ، تَمردی ءُ مُھکمی ءِ دَرکار بیت اِیں ، جنگانی اَندر ءَ وَسَریں دَانا ءُ زانوگِرانی آژناگ بُوھَگ بے مانا اِنت ، جنگ ھَر وَھد ءَ دَانا ءُ زانوگِراں اَبید مُکلسی ءُ ایمانداری ءَ گوں بَندوک اِنت ، تَمردی ءُ مُھکمی ءَ گوں بَندوک اِنت ، اَگاں ما دِگہ جنگاں چَمّ شانک دات نَہ کَن اِیں ، وتئی سَرڈگار ءِ جنگ ءَ پَھمِت ءُ پُوہ بُوتّ کَن اِیں ، کہ بلوچ جنگ ءِ توک ءَ گِیش ھما مردُمانی نام راجدَپتر ءَ نِبشتہ اَنت کہ آ دَانا ءُ زانوگِری ءَ چے گِیش جنگول ، مُکلس ، ایماندار ، تَمرد ءُ مُھکم بُوتَگاں ، بَلَے مئے اَنّوگیں دَانا ءُ زانوگِرانی داب ءُ ڈَول چون اَنت ، من ساری ءَ ھمے گَپّ کُرت اوں کہ دَانا ءُ زانوگِراں اَبید جنگانی اَندر ءَ مُکلسی ، ایمانداری ، تَمردی ءُ مُھکمی ھَژدَری اِنت ، ھُشکیں دَانائی ءُ زانوگِری ھچ دَرد ءِ داوا نَہ اِنت ۔
اَنچو کہ من بلوچ جنگ ءِ دَانا ءُ زانوگِرانی دَروَر ءَ دِئیگ ءَ اِت اوں کہ مئے اَنّوگیں دَانا ءُ زانوگِر چون اَنت ۔
من برے ، برے ھیران باں کہ یَکّ دَانا ءُ زانوگِرے کہ کُلّیں چیزاں آژناگ اِنت ، بَلَے اَنگت ءَ پَرچا زُبان ءَ بے سَر ءُ پادیں دانک دَر کَنت ، پَرچا ھما مُکلس اِیں ، ایمانداریں ، تَمردیں ءُ مُھکمیں سَرمچارے ءِ ھید رِیچی ءُ ھون رِیچی ئے بَگَیری کَنت اِیں ، پَرچا اَنّوگیں بلوچ جنگ ءِ راھبَند ءِ بَگَیری کَنت اِیں ، مَروچی دَانا ءُ زانوگِرے ءَ اَبید ھما وَرناہ تیرانی دیمپان اَنت کہ مُکلس ، ایماندار ، تَمرد ءُ مُھکم اَنت ۔
بلوچ جنگ ءِ دَانا ءُ زانوگِر کہ دَری ھُلکھاں نِشتَگاں یاکہ وتئی ھَند ءُ دَمگاں ، آ ھَر وَھد ءَ رَسانکدَر ءَ ھمے گُش اَنت کہ اَنّو بلوچ جنگ ءِ داب اے نَہ اِنت ، یاکہ برے ، برے گُش اَنت کہ بلوچ جنگ ءَ را جوانیں راہ بَلد نیست ، اے ھما دَانا ءُ زانوگِراں کہ داں روچ ءِ مَروچی جنگانی تَبّاں آژناگ نَہ اَنت ، کہ جنگانی لُوٹ چے بُوتَگاں ءُ جنگانی لُوٹ چے اَنت ۔
اَگاں کَسّے کہ جنگانی تَبّاں آژناگ اِنت ، بئیت بلوچ جنگ ءِ راہ بَلدی ءَ بِہ کَنت اِیں ، اے سَکّی ءُ سُوریانی توک ءَ ، اے بَزّگ ءُ واریانی توک ءَ ، اَگاں کَسّے ءَ جوان راہ بَلدی کُرت کُلّیں بلوچ راج آئی ءِ پُشت ءَ گون بیت ۔
وَسَر ءِ ھُدا شھیدانی ھونانی سَر ءَ وتئی دَانا ءُ نَہ دانائی ءِ زانوگِری ءَ اَنچو پَہ دیم رَسانکدَر ءَ ایر مَہ کَن اِت ، مَروچی ھمے وَرناہ ، ھمے گُھار وتئی جان ءَ شُورہ بَنداں رَوَاں وت ءَ ٹُکُر ، ٹُکُر کَن اَنت ، اِیشانی پُشت ءَ وتئی ھُدا ءَ بِچار اِت بَگیَر مَہ کَن اِت ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔