تربت ءُ کلات ءَ زورگیریں پوج ءُ آئی ءِ چاریگانی سر ءَ اُرش کتگ – بی ایل اے

بلوچ آجوئی لوٹوکیں سلاہ بندیں گل بی ایل اے ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ تربت ءُ کلات ءَ زورگیریں پوج ءُ آئی ءِ چاریگانی سر ءَ اُرش کتگ ءُ پنچ کارمند کُشتگ ءُ سَے زدگ کتگ انت –

بلوچ لبریشن آرمی ءِ جارکش ءَ وتی درشان ءِ تہ ءَ گوشتگ کہ گوستگیں شپ ءَ کیچ ءِ شھر تربت ناصرآباد ءَ انٹیلی جنس بیسڈ آپریشن ئے رِد ءَ پولیس تانہ ءِ سر ءَ چاپہ جتگ، کہ اودا زورگیریں پاکستانی پوج ءِ چاریگانی ٹولی ءِ ساڑی بوگ ءِ ھال سربوتگ انت –

سرمچاراں بیڑ برتگ ءُ پولیس تانہ ءِ سروک ءَ ھوار ایندگہ کارمند دزگیر کتگ انت ءُ ھمے میان ءَ یک پولیس کارمندے ءَ سرمچارانی سر ءَ اُرش کنگ ءِ جھد کتگ کہ جنگ بوتگ –

سرمچاراں پوجی چاریگانی پجار کنگ ءَ پد آ کُشتگ انت کہ آیانی تہ ءَ محمد عظیم ء ظفر علی، شہباز ءغلام رسول، باقر علی ء شیر محمد، شہزاد احمد جھمنند مظفر گڑھ پنجاب ءُ پولیس کارمند عطا جان ء محمد اسلم جھمنند تربت ھوار انت وھدیکہ مدثر ء شیر محمد جھمنند ڈی جی خان ءَ تچگ ءِ جھد کتگ ءُ زدگ بوتگ –

جارکش ءَ گوشتگ کہ اے دژمن کارمنداں وتی دروشم مٹ کتگ ءُ تربت ءَ ھوار کش ءُ گور ءِ ھند ءُ دمگاں پہ پوج ءِ ھاتر ءَ کار کنگ ءَ بوتگ انت وھدیکہ شپ ءَ دمگی پولیس تھانہ ءَ نندوک بوتگ انت –

اے بیڑ ءَ سرمچاراں پولیس کارمندانی سلاہ ھم دستیگ کتگ انت –

جارکش ءَ گوشتگ کہ بلوچ لبریشن آرمی پولیس ءُ لیویز ءِ دیم ءَ اے گپ ءَ تچک کنت کہ آ زورگیریں پوج ءُ چیریں ادارھانی گوشگ ءِ پد ءَ بلوچ راجی آجوئی زرمبشت ءِ دیم ءَ اڈاند بوگ ءِ جھد ءَ مہ کن انت، دمگی مردم بوگ ءِ سوب ءَ اے پوج بلوچ سرمچارانی نیمگ ءَ بکشگ بوتگ انت بلے پدا ھم آ بلوچ ءِ کوش ءَ وتی کاراں یل نہ کن انت گڈا آ ھم چو زورگیریں پوج ءِ وڈا تچکی ءَ نشانگ کنگ بنت –

جارکش ءَ گوشتگ کہ دومی نیمگ ءَ گوستگیں روچ ءَ روزرد ءِ وھد ءَ مئے سرمچاراں کلات ءِ دمگ جوھان ءَ زورگیریں پاکستانی پوج ءِ بنجاھی بنجل ءِ سر ءَ ھما وھد ءَ مزنیں سلاھاں گوں اُرش کتگ وھدیکہ دژمن پوج ءِ گاڑی بنجاھی گیٹ ءِ دپ ءَ سربوتگ انت –

سرمچارانی اُرش ءَ کم چہ کم دو کارمند زدگ بوتگ انت وھدیکہ پھازگی سنگرانی کارمنداں ھم جانی تاوان رس اِتگ –

جارکش ءَوتی درشان ءِ گڈسر ءَ گوشتگ کہ بی ایل اے ھردو اُرشانی زمہ واری ءَ من ایت ءُ کول کنت کہ زورگیریں پوج ءِ ماں بلوچستان ءِ تہ ءَ سرجمی ءَ درآیگ ءَ تاں مئے اُرش برجاہ مان انت –