منی شرنگ ءُ آئی ءِ اولی دیدار
نبشتہ کار : ناسر واھگؔ
دی بلوچستان پوسٹ
من گوں وتی سنگتاں ھوار درکپتاں دیم پہ جان ءِ شودگ ءَ جان شُشت ءُ دیم پہ وتی اوتاک ءَ راہ ءَ روان اتاں منی چم یک وش رنگیں جنکے ءَ کپت انت ءُ جنک اوشاتگ اَت دُکان ءِ دیم ءَ ءُ چَکے وہدے ترینت ءُ بچکندگے جت ئِے من ءَ سک مھر بوت گوں آئی ءَ ءُ پد ءَ من وتی سنگتاناں گْشت کہ شما بہ رو اِت من ءَ ھمے دُکان ءَ جرسی یے زورگی اِنت ءُ منی سنگتاں اڑی کُت کہ ما ءَ الم گون تو ھوار کایاں ۔من گْوَشت انّاں منی ھمبلیں بْراتاں شما بہ رو اِت ماں کایاں ءُ مں رپتاں دیم پہ دُکان ءَ ھما شرنگ انگت ھما جاہ ءَ اوشتاتگ اَت من سر بوتاں چونائی ءَ من ء جرسی زورگی نہ اَت بلئےچونکہ دل دارگ نہ بوگ ءَ اَت من شت آں دُکان والا ءَ را جُست کُت کہ اے جرسی ءِ نیاد چُنت کلدار اِنت؟ گڑا ھما شرنگ ءَ یک بچکندگے جت ءُ گشت کہ تئی نام کے اِنت من گل ءَ وتی شرنگی یے وتی نام یک شوکیں اندازے ءَ گشت بانک منی نام ناسر واھؔگ اِنت پد ءَ بانک ءَ درائینت اے واھگ ءِ مسال دات کرت کن ئے کہ اے چیا تو وتی نام ءِ گون ءَ ھوار دات ءَ من ھم کم ءُ لج کُت سر جھل کرت گشت بانک اے ھما نام اِنت کہ 20 منٹ ءَ چہ پیسر من ءَ یک شکیس ءِ رنگ ءُ دروشمے ءَ پرکت ءَ بانک ءَ درائنیت کہ ما تئی پول ءَ سرپد نہ بوت آں –
گڑا من گشت ھیر یل دئے تو اے گپان ءَ پد ءَ بانک ءَ من ءَ رُکسّت کت شت دیم پہ وتی اوتاک ءَ ھو من چارگ ءُ سوچ اِت اے کئے اِنت کہ گون من ءَ انچو گپ انچو تران بلکیں چوں بیت کاں کہ من ءَ بانک پجارگ ءَ ئیں ھو من نزان ءُ بے ھیالاں ھیر من جنزاں بوتاں دیم پہ وتی اوتاک ءَ کہ ھچ وش نہ اَت ھما پیسر ءِ اوتاک گش ئے دل ءَ گشت کہ پد ءَ برواں ھما بازار ءِ سیڈا بلکیں دوچار کپت من سک بے تاھیر ءَ ات اَنت من درکپتاں دیم بہ بازار ءِ نیمگ ءَ وھدے کہ من بازار ءَ سر بوتاں گڑا بازار ءَ گوں وتی دزگوھارے ءَ گردگ ءَ اَت گڑا آئی ءِ چم کہ وھدے پہ من کپت آں یک شوکیں بچکندگے جت ءُ لج کرت سر ئِے جھل کرت منی دل نمنگ ءَ ات کہ اے بازار ءَ چے دربیاھاں ھو کم کم ءَ ما آئی ءِ نزدیک ءِ روگ ءِ کوشش کت کہ مئے بانکُ ءَ گوں پجا ءَ آ روکی بہ بیت ءُ گپ ءُ تران بہ بیت من وھدے کہ کِر ءَ شتاں چَکے ترینت گشے گوں ھمیدار ءِ من گشت اے وھد ءَ بانکُ پہ وتی واستا یک گھڑی بْیا زورگ ءَ ات گشتے وتی دوستیں دزگوھارے ءَ کہ اے گھڑیال منی دست ءَ وَج بیت آئی ءَ پسو دات اِنّاں شرنگ تئی دست ءَ لیڈ واچ شوک بیت ءُ شرنگ کہ وھدے پہ وت ءَ دزگوھار ءِ گھڑیال زُرت من ءَ گشتےکہ توچی زورے ۔من گشت کہ اے شھر ءُ بازار ءَ ھمے ھاتر ءَ اَتکگاں نوک ایں شھر ءُ بازارے مردم سیئل کنت بانک ءَ گشت شرین ما کم ءُ دیم ءَ رواں من گشت شر بانک من ھمد تَرّان وھدے کہ بانک چدا رپت من ھمےجیڑگ ءَ اتاں کہ اے بانک من ءَ انچو دوست انت من چوں گوشانے کہ تو من ءَ دوستے من ءَ اے گپ ءِ ھبر نیست اَت کہ بانک منی گپاناں گو وتی دزگوھار ءَ درشاں کرت انت ءُ بانک ءَ منی مھر ءِ دست وتی دست ءَ مُچ دات ءُ داں رو برکت ءِ ودار ءَ نشت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔