کراچی ءِ دمگ ٹیکری میتگ سنگھور پاڑہ ماری پور ءَ آرٹ ایگزیبیشن ءِ برجم دارگ بوتگ کہ اودا چہ لیاری ءَ سیادی داروکیں ازمکاراں وتی جوڑ کرتگیں آرٹ مردماں پیش داشتگ انت – اے ایگزیبیشن مھروان آرٹ اکیڈمی لیاری ءَ ٹیکری میتگ ءِ کمیونٹی سنٹر (انجمن) ماریپور ءِ مدد ءُ کمک ءَ برجاہ داشتگ –
اے آرٹ ایگزیبیشن ءَ جنک ءُ بچکیں نودربر، لبزانت، ازمکار، سیاسی ءُ چاگردی مردماں مزنیں کچے ءَ بھر زرتگ ءُ ایگزیبیشن یکشمبے ءِ نیمروچ ءِ سَے نیم ءَ بگر تاں شپ ءِ ھشت ءَ برجاہ بوتگ –
وھدیکہ ایگزیبیشن ءَ چہ لیاری ءَ سیادی داروکیں آرٹ ازمکاراں بھر زرتگ ءُ وتی ڈولداری آرٹ پہ پیش دارگ ءَ ایرکتگ انت – کہ آیانی ڈولداری ءَ مردم پہ ستاہ کنگ ءَ لاچار کتگ انت – آرٹ پیش دارگ ءِ بنگپ بلوچ چاگرد ءُ جیڑہ بوتگ انت – آرٹسٹاں کراچی ءِ جھمندیں بلوچانی جیڑہ دیما آؤرتگ انت – لیاری کراچی ءِ دیریگیں دمگے کہ اود ءَ ٹیلنٹ ءِ کمی نیست – لیاری ءَ بے کساس میان استمانی فٹبالر، سائکلسٹس، باکسرز، شائر، کلمکار، تامرکار ءُ آرٹسٹ پیداک کتگ –