کولواہ، کلات ءُ نوشکی ءِ اُرشانی زمہ واری بی ایل اے ءَ منّ اِتگ انت

بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشانے ءِ تہ ءَ گوشتگ کہ مئے سرمچاراں کلات، کولواہ ءُ نوشکی ءَ زورگیریں پاکستانی پوج، لٹ پُلی کمپنی ءِ کارمند ءُ ٹاور نشانگ کتگ انت – اُرشانی آسر ءَ دژمن پوج ءُ لٹ پُلی کمپنی ءِ شش کارمند زدگ بوتگ انت دو ٹاور تباہ کتگ انت –

جارکش ءَ گوشتگ کہ بلوچ لبریشن آرمی ءِ سرمچاراں گوستگیں روچ ءَ بیگاھے وھد ءَ آواران ءِ دمگ کولواہ ءَ کڈ ءِ ھوٹل ءَ برجاھیں زورگیریں پاکستانی پوج ءِ پانگسے ءِ سر ءَ مزنیں سلاھاں گوں اُرش کتگ – اے اُرش ءَ کم چہ کم دو دژمن کارمند زدگ بوتگ انت –

جارکش ءَ گوشتگ کہ گوستگیں شپ ءَ سرمچاراں یک دگہ اُرش ءِ ماں کلات ءِ دمگ منگچر ءَ کوارٹر ءِ سر ءَ کتگ کہ اودا ٹیل ءُ گیس شوھاز کنوکیں کمپنی ءِ کارمند نشانگ کتگ انت – سرمچاراں اے کوارٹرے سر ءَ گوں دزبمباں اُرش کُتگ – سرمچارانی اے یک بیھاری اُرش ءِ بوتگ تچکی ءَ نشانگ نہ کتگ انت –

جیئند بلوچ ءَ گوشتگ کہ اے کارمند منگچر ءِ ھند ءُ دمگاں ٹیل ءُ گیس شوھاز کنوکیں کمپنی ءِ ھاتر ءَ دگ جوڑ کنگ ءِ کار ءَ گوں ھمگرنچ بوتگ انت – جارکش ءَ گوشتگ کہ بلوچ لبریشن آرمی ءَ لٹ پُلی کمپنیاں پہ اے گپ ءَ پیش تچک کتگ ءُ گوشتگ کہ ا بلوچ ءِ مال ءُ مڈیانی لٹ ءُ پُل ءَ بند بہ کن انت اگاں ناں اے پروجکٹاں ھمگرنچیں مردم وتی جان ءُ مال ءِ تاوانانی زمہ وار وت انت –

جارکش ءَ دیمتر ءَ گوشتگ کہ بلوچ لبریشن آرمی ءِ سرمچاراں گوستگیں شپ ءَ نوشکی ءِ دمگ کیشنگی پٹی ھند ءَ موبائل ٹاور ءِ سر ءَ اُرش کتگ ءُ آئی ءِ مشین تباہ کتگ انت وھدیکہ پیسری روچ ءَ نوشکی دمگ ریکو ءَ ھم سرمچاراں دگہ موبائیل ٹاورے نشانگ کتگ –

جارکش ءَ وتی درشان ءِ گدسر ءَ گوشتگ کہ اے اُرشانی زمہ واری ءَ بی ایل اے منّ ایت ءُ کول کنت کہ زورگیریں پاکستانی پوج ءُ آئی ءِ کمک کارانی سر ءَ مئے اُرش برجاہ مان انت –