بلوچستان ءِ جتاجتائیں دمگاں تیرگواری ءُ دگ وئیلانی آسر ءَ سے مردم بیران ءُ یکے ٹپی بیتگ-
گیشیں ھالانی رِد ءَ ھب شھر شال کراچی شھدگ سر ءَ شاکر ھوٹل نزیک ءَ تُرند روگ ءِ سوب ءَ یک پرپٹے ءَ دو کسان سالی ئیں ورناہ دیم ءَ آؤکیں کسانیں بس ءُ کوچ میان ءَ ڈک وارتگ اِت-
ایدھی کُمکارانی گوشگ رِد ءَ وئیل آسر ءَ شانزدہ سالی ئیں محمد حیات ٹپانی درد نہ سگ اِتگ ءُ بیران بیتگ وھدے کہ چاردہ سالی ئیں زاکر ٹپی ئیں جاوراں نادُراھجاہ ءَ برگ بیتگ-
بلوچستان ءِ بُنجاھی شھر شال ءَ گاڑی ءِ ڈک ورگ ءَ چہ شش سالی ئیں جنکوے بیران بیتگ-
ایدھی کارگُشادانی گْوشگ رِد ءَ شال ءِ دمگ نواں کلی ءَ تُرند رؤکیں گاڑی ءِ ڈِکّر جنگ ءَ شش سالی ئیں جنکو بیران بیتگ ، بیران بیتگیں جنکو ءِ پجّار بی بی زارہ ء محمد عزیز نام ءَ چہ بیتگ-
ھمے وڑ لورالائی ءِ دمگ ءَ ناشناسیں مردمانی تیرگواری ءَ چہ یک مردمے بیران بیتگ-
لورالائی ءِ دمگ بائی پاس ءَ ناشناسیں مردماں تیرگواری کتگ یک مردمے نعمت اللہ جھمنند کچلاک کُشتگ ءُ تتکگ اَنت لاش نادُراھجاہ ءَ برتگ ءُ لاش ءِ گیشیں چار ٹپاس ءَ پد کھول ءِ دست ءَ داتگ گیشیں پٹ پول ءَ دمگی انتزامیہ کنگ ءَ اِنت-
دومی نیمگ ءَ ھُزدار ءَ تیرگواری ءَ چہ ورنایے بیران بیتگ-
ھالانی رِد ءَ ھُزدار ءِ دمگ چمروک نزیک ءَ سلاہ بندیں مردماں تیرگواری ءَ چہ عبدالباسط نامیں ورنایے بیران بیتگ-
وھدے کہ لاش نادُراھجاہ ءَ برگ بیتگ – پولیس ءَ وئیل پٹ پول بندات کتگ-