محمد رمضان مینگل سارونا ءِ جھمنندیں آ دوازدہ سال ءَ ساری جنوری 2011 ءَ ریاستی ادارھاں باپاری شھر ھب چوکی ءَ چہ زورانسری آوار جنی ءِ نشانگ کتگ-
محمد رمضان مینگل ءِ کھول رِد ءَ جنوری 2011 ءَ رمضان مینگل چہ ھب چوکی ءَ ریاستی ادارھانی کارندھاں آوار جتگ ءُ بیگواہ کتگ اَنت- دوازدہ سالانی یک دْراجیں مدتے ءِ گوزگ ءَ پد ھم آ بیگواہ ءَ اِنت-
آئی ءَ گْوشتگ کہ اے دوازدھیں سالاں مارا آئی ءِ درگت ءَ ھچ وڑیں سرپدی دیگ نہ بیتگ کہ آ کجا اِنت، کجام جاور ءِ تہ ءَ اِنت آ کجام میارباری ءِ پُشدر ءَ زورانسری بیگواہ کتگ ءُ سرجمیں کھول ءَ پرچا مُچی رنج ءُ گمانی تہ ءَ دوچار کتگ اَنت-
کھول ءَ انسانی ھکانی گلاں ھوار چاگردی رسانکدری پُرکاراں گوں دزبندی کتگ کہ آ محمد رمضان مینگل ءِ پہ سلامتی یل کنائینگ ءِ ھاتر ءَ مئے کُمک ءَ بکن اَنت ءُ مئے توار جوڑ بہ بنت-