بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ چار شمبے ءَ بیگاہ ءِ ھپت ءَ سرمچاراں آرِپ دمک سریاب دگ شال ءَ انٹی نارکوٹکس پورس ءِ پولیس بُنجاہ ءِ سر ءَ دستی بمب اُرشے کُرتگ۔
آئی ءَ گوشتگ اے اُرش ءَ انٹی نارکوٹکس نشانگ کنگ بیتگ کہ تچکی ءَ زورگریں پاکستانی لشکر ءِ سروکی ءَ کار کنت ءُ دمگ ءَ نارکوٹکس ءِ کارانی گِر ءُ دار کنگ ءِ جاہ ءَ میان استمانی ادارھاں ریپین ایت ءُ وتی مینڈیٹ ءِ بگیری ءَ کنت ءُ پاکستانی لشکر ءِ سیتاں پھریزگ ءَ اِنت۔
گوھرام بلوچ ءَ گوشتگ بلوچستان ءَ پاکستانی لشکر ءِ منشیات تالان کنگ ءَ بلاھیں کِردے ءُ پہ جھان ءِ پیشدارگ ءَ انٹی نارکوٹکس پورس جوڑ کنگ بیتگ ءُ پاکستان ءِ ٹوھیں سروگان منشیات ءِ کاروبار ءَ پھریزگ ءَ اَنت۔ 1973 ءَ پاکستان ءَ چہ اکوام متھدہ ءِ نارکوٹکس کنٹرول کنونشن ءِ زور دیگ ءَ پہ پیشدارگ ءَ انٹی نارکوٹکس پورس جوڑ کُرتگ بلے اے ادارہ ھچبر واتواک نہ بیتگ ءُ وتی زمہ واری یے پیلو نہ کُرتگ اَنت۔
بی ایل ایف ءِ جارکش ءَ گوشتگ میان استمانی ادارہ بایدیں زورگریں پاکستانی لشکر ءُ گوں آئی ءَ بندوکیں ادارھاں شریداری مہ کنت کہ آیانی گوں منشیات ءِ کاروبار ءَ شریداری ءِ منانک ھست۔
گوھرام بلوچ ءَ گوشتگ بلوچستان لبریشن فرنٹ اے اُرش ءِ زمہ واری ءَ منّ ایت۔ بی ایل ایف وتی سرڈگار ءِ سر ءَ زورگریں لشکر ءَ ھچ دْروشم ءَ نہ منّ ایت ءُ داں بلوچستان ءِ آجوئی ءَ اے اُرش برجاہ بنت۔