برازیل ءِ شھر مانوس ءَ کساس ھزار سال ءَ گیش ڈوکانی سر ءَ کش اِتگ ایں نکش دست کپتگ

ایمازون ءَ آپ ءِ کم بوگ ءَ پد ھنچیں ڈوک دست کپتگ انت کہ آیانی سر ءَ نکش ءُ نگار کنگ بوتگ، اے ڈوک کم چہ کم ھزار سال پیسری ڈوک انت –

بازیں سال ءَ ڈکال بوگ ءِ سوب ءَ اے دیرگیں ڈوکانی سر ءَ جوڈ بوتگیں مردمی نکش ءُ نگار نوں شرتر گندگ بنت –

درملکی ھالتاک بی بی سی ءِ شنگ کرتگیں رپورٹ ءِ رِد ءَ چدو پیسر ڈکال بوگ ءِ سوب ءَ اے وڈیں ڈوک گندگ بوتگ انت بلے سائنسدانانی گوشگ انت اے رند ءَ وڈ وڈیں ڈوک دست کپتگ انت، ءُ اے کساس یک، دو ھزار سال ساریگیں بنت –

رپورٹ ءِ رِد ءَ اے ڈوک گوریچانی برازیل ءِ شھر مانوس ءَ دست کپتگ انت – برازیل ءِ سرکار ءَ گوشتگ کہ انوگیں ڈکال، جاور ءُ موسم ءِ بدلی ءِ زمہ دار ال نینو انت –