روکپتی بلوچستان ءِ شھر بیرجند ءِ زندان ءَ دو بندیگیں بلوچاں ھوار پنچ کس پاھو دیگ بیتگ اَنت-
گیشیں اھوالانی رد ءَ نشہ باپاری ءِ بھتام ءَ ایرانی آمیدگس ءَ مروچی ماں بیرجند ءِ بندیگ جاہ ءَ دو بلوچاں ھوار پنچ کس پاھو داتگ اَنت-
پاھو دیگ بیتگیں مردمانی پجار عبدلبصید مھمدانی ء عبداللہ جھمنند درگیان زاھدان ءُ مھمد نبی شاھوزئی ء کجیر جھمنند شیر آباد زاھدان ءِ ناماں زانگ بیتگ اَنت-
ایشانی توک ءَ مھمد نبی گوستگیں سال ءَ سی ستمبر ءَ ماں زاھدان ءَ ایرانی لشکر ءِ تیرگواری ءَ بیران بیتگیں ھدا نور لجی یے ناکو اِنت-
آدگرانی پجار مھمد میرشاہ ءُ رضا شھرکی جھمنند حسین آباد زابل ءُ سیمی ءِ پجاع امید جوینی تربت جام ءِ نام ءَ زانگ بیتگ –
ھر پنچیں کس نشہ باپاری ءِ بھتام ءَ ایرانی آمیدگس ءَ پاھو داتگ اَنت-