جھاو ءَ پاکستانی پوج ءِ سر ءَ اُرش

سربوتگیں ھالانی رِد ءَ بلوچستان ءِ دمگ جھاؤ ءَ ناشناسیں سلاہ بندیں مردماں مروچی دوشمبے ءِ روچ ءَ پاکستانی پوج ءِ پانگسے ءِ سر ءَ اُرش کتگ –

ھالانی رِد ءَسلاہ بندیں مردماں اُرش جھاؤ ءِ دمگ ڈولی جی ءَ برجاھیں پوجی پانگسے ءِ سر ءَ کتگ، اُرش ءَ تیر ءُ تراکانی توار دور دور ءَ مردم اشکتگ انت – بلے تنی وھدی ھچ وڈیں جانی تاوانانی ھال نیست –

زانگ بہ بیت اے ھند ءُ دمگاں پاکستانی پوج ءِ سر ءَبوتگیں اُرشانی زمہ واری گیشتر بلوچ آجوئی لوٹوکیں سلاہ بندیں گلاں منّ اِتگ انت بلے اے اُرش ءِ زمہ واری ھچ گل ءَ نہ منّ اِتگ ءُ ناکہ سرکار ءِ نیمگ ءَاے درگت ءَ چیزے گوشگ بوتگ –