مولوی فضل الرھمان کوھی مشھد ءِ زندان ءَ برگ بیتگ ءُ آئی ءِ 6 شش ھمراہ یل بیتگ انت

روکپتی بلوچستان ءِ بنجاھی شھر زاھدان ءَ دیم پہ پشامگ ءَ روکیں مولوی فضل الرھمان کوھی مشھد ءِ زندان ءَ برگ بیتگ ءُ آئی ءِ گون ءَ گرگ بیتگیں ششیں ھمراہ یل کنگ بیتگ اَنت-

گوستگیں روچ ءَ مولوی کوھی گوں شش ھمراھانی ھواری ءَ ما زاھدان ءَ آوار جنگ بیتگ ءُ پد ءَ آئی ءِ درگت ءَ مروچی سرجمیں اھوال دیم ءَ اتکگ اَنت-

آئی ءِ ھمراھی ءَ گرگ بیتگیں مولوی اکرم کوهی، مولوی اصغر کوهی، مولوی یاسین آسکانی، محسن آسکانی، یاسین شکری ءُ حبیب الله کوهی مروچی یل کنگ بیتگ اَنت-

بلوچ کمپعن فالین ءِ رد ءَ مولوی کوھی ماں مشھد وکیل آباد ءِ زندان ءِ شیعہ علما آمیدگس ءَ تلب کتگ ءُ آئی ءَ گوشگ بیتگ کہ تو برانز گپتگیں گپ جتگ اَنت-

زانگ بہ بیت مولانا کوھی ءَ گوستگیں دو روچ پیش وتی یک درشانے ءَ گوشتگ کہ زاھدان ءِ تاھت جاہ ءَ نمازیانی کشوک مروچی پلسطین ءِ مسلمانانی کمک ءَ روگ ءِ جار ءَ جنت گڑا یک برے وتی ھساب ءَ بہ دنت ءَ رند ءَ مسلمانانی ھوناں ریچگ ءَ مئیل ایت-

چرے درشان ءَ پد آ گوستگیں روچ ءَ دگہ شش کسانی ھمراھی ءَ زاھدان ءَ دیم پہ پشامگ ءَ روگ ءَ بیتگ کہ نیم راہ ءَ چیریں ادارہ اطلاعات ءَ دزگیر کتگ ءُ گون وت برتگ-