کرکٹ ورلڈ کپ: بھارت ءَ نیوز لینڈ ءِ دیم ءَ چار وکٹاں گوازی کٹ اِتگ

آئی سی سی کرکٹ ورلڈ کپ ءِ بیست ءُ یکمی گوازی بھارت ءُ نیوز لینڈ ءِ میان ءَ ماں بھارت ءَ دھرم شالا کرکٹ گوازی پٹ کنگ بوتگ کہ بھارت ءَ چار وکٹاں گوازی کٹ اِتگ –

بھارت ءُنیوز لینڈ ءِ میان ءَ بوتگیں گوازی ءَ بھارت ءَ ٹاس کٹ اِتگ ءُ اولسر ءَ بالنگ کنگ ءِشور کتگ ، بھارت ءِ دیم ءَ نیوز لینڈ ءَ پنجاھیں اوورانی تہ ءَ دوسد ءُ ھپتاد ءُ سَے رنانی ٹارگٹ ایر کتگ کہ بھارت ءَ چِل ءُ ھشتمی اوور ءَ ٹارگٹ پروشتگ ءُ شش وکٹانی تاوان ءَ دوسد ءُ ھپتاد ءُ چار رن جوڈ کتگ انت –

اے ورلڈ کپ ءَ بھارت ءِ تنی وھدی پنچمی رند انت گوازی ءَ کٹگ انت وھدیکہ نیوز لینڈ اولی رند ءَ گوازی کٹگ ءَ بے سوب بوتگ –

بھارت ءِ نیمگ ءَ ویرات کوہلی ءَ درساں گیش نود ءُ پنچ رن جوڈ کتگ، روہت شرما چِل ءُ شش رن جوڈ کتگ ءُ فرگوسن ءِ بال ءَ آؤٹ بوتگ بولڈ شبمن گل ءَ بیست ءُ شش رن جوڈ کتگ ءُ آ ھم فرگوسن ءِ بال ءَ کیچ آؤٹ بوتگ – شریاس ایئر سِی ءُ سَے کے ایل راہول بیست ءُ ھپت وھدیکہ سوریا کمار یادیو ءَ دو رن جوڈ کتگ –

نیوز لینڈ ءِ نیمگ ءَ ڈیوڈ کونوے نھ بال زوال کتگ ءُ محمد سراج بال ءَ کیچ اؤٹ بوتگ ڈیرل مچل پنچ چکا ءُ نُھ چوکا جتگ یکسد ءُ سِی رن جوڈ کتگ – ول ینگ ھبدہ، راچن ءَ ھپتاد ءُ پنچ ، ٹام ءَ پنچ، گلین ءَ بیست ءُ سَے رن جوڈ کتگ انت – ءُ مارک چیپ مین شش مچل سینٹنر یکے ءُ وھدیکہ میٹ ہنری ھم ھچ رن جوڈنہ کتگ ءُ آؤٹ بوتگ –