بلوچستان ءِ جتاجتائیں دمگ بولان ، سبی ءُ گڈانی ءَ تیرگواری ءُ دگہ وئیلانی آسر ءَ زالبولے ءَ ھوار چار مردم بیران بیتگ اَنت-
گیشیں ھالانی رِِد ءَ بلوچستان ءِ دمگ بولان ءَ ناشناسیں مردماں تیرگواری کتگ ءُ پت ءُ گوں جنکیں چُک ءَ بیران بیتگ اَنت-
تیرگواری وئیل بولان پولیس تھانہ بھاگ نزیک گوٹھ کھتری نزیک ءَ بیتگ، اِھوالکارانی گوشگ اِنت کہ وئیل کوھنیں دُژمنی ءِ سوب ءَ بیتگ-
تیرگواری ءَ پد اُرشکار تچگ ءَ سوبمند بیتگ اَنت-
ھمے وڑ بلوچستان ءِ دمگ سبی ءَ تیرگواری ءَ چہ یک لیویز کارندھے بیران بیتگ-
ھالانی رِد ءَ سبی ءِ میتگ تلی ءَ ناشناسیں سلاہ بندیں مردمانی تیرگواری کتگ ءُ لیویز کارندہ بسم اللہ ء محمد رمضان سیلاچی کُشتگ-
کُشگ بیتگیں کارندہ ءِ لاش نادُراھجاہ برگ بیتگ اود ءَ پہ گیشیں چار ءُ ٹپاس کنگ ءَ پد لاش کھول ءِ دست ءَ داتگ-
دومی نیمگ ءَ گڈانی ءَ ھال اِنت عبدالسبحان ء عبدالواحد نامیں مردمے پاور پلانٹ الانہ گدور گوٹھ نزیک ءَ زر ءِ کش ءَ ماھیگ گرگ ءِ وھد ءَ کپتگ ءُ بیران بیتگ-
لاش ایدھی ایمبولینس سر ءَ جام غلام قادر گورنمنٹ نادُراھجاہ ھب ءَ برتگ ءُ چار ٹپاس کنگ ءَ پد کھول دست ءَ داتگ-
.