سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ مولانا فضل الرھمان کوھی دزگیر کتگ ءُ ناشناسیں جاھاں برتگ-
اھوالانی رد ءَ مولانا کوھی گوستگیں روچاں چہ پشامگ ءَ دیم پہ زاھدان ءَ شتگ بیتگ کہ اود ءَ واتر بوگ ءَ پد آ چیریں ادارھاں دزگیر کتگ ءُ ناشناسیں جاھاں برتگ-
بلوچ کمپعن فعالین ءِ رد ءَ مولانا کوھی گوستگیں روچ ءَ مولانا عبدالحمید ءِ گندوک ءَ شتگ بیتگ کہ آ دزگیر کنگ ءُ ناشناسیں جاھاں برگ بیتگ-
زانگ بہ بیت گوستگیں روچ ءَ مولانا کوھی ءَ یک درشانے ءَ گوشتگ کہ ابادت کنوکیں مردمانی سر ءَ اُرش کنوکیں ڈیھ مروچی ماں پلسطینیانی کمک ءَ درکپگ ءَ جاڑیگ اِنت بلے آئی ءِ دست وت ھم ابادت کنوکانی ھوناں رنگین اَنت-
زانگ بہ بیت مولانا کوھی ماں گوستگیں دو سالاں پیش ایران ءِ سر ءَ سیاسی ایراد گرگ ءَ پد آ زندانی کنگ بیتگ ءُ آ گوستگیں دو ماھاں پیش چہ سیاسی زنداناں آجو بیتگ ات-