بلوچی زبان ءُ لبزانک ءِ نامداریں ندکار ءُ لچہکار عابد آسکانی ءِ لچھانی دومی مزنیں کُلیات چہ “ربیدان” ءِ نیمگ ءَ چاپ ءُ شنگ بوتگ –
شنگ کار ربیدان نیمگ ءَ گوشگ بوتگ کہ عابد آسکانی ءِ دستونکانی کلیات چاپ ءُ شنگ کنگ بوتگ ءُ اے کلیات یک ھزار ءُ چارسد تاکدیم ءَ چہ گیش اِنت ءُ ایشی ءِ تہ ءَ عابد آسکانی ءِ دھ دستونکانی دپتر یکجا ھواراَنت ءُ اے عابد آسکانی ءِ لچھانی دومی مزنیں کلیات اِنت کہ بلوچی لبزانک ءِ تہ ءَ عابد آسکانی ءِ شھگپتاری ءِ منانک اِنت –
شنگ کار ءِ نیمگ ءَ گوشگ بوتگ کہ اے بے دروریں کتاب چہ ربیدان شنگکاری ءِ نیمگ ءَ پہ بلوچ راج ءَ پیش کنگ بیت گوں ھمے امیت کہ ایشی ءِ جوانیں اسر ءِ ھر وانوک ءَ الم بہ رس اِیت –