بلوچ لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ کیچ ءِ دمگ زامران ءَ ھر ءِ کور زامری ءَ بلوچستان لبریشن فرنٹ ءِ سرمچاراں زورگریں پاکستانی لشکر ءِ پانگس ءِ سر ءَ اُرش کُرتگ ءُ جانی ءُ مالی تاوان داتگ۔
بی ایل ایف ءِ جارکش ءَ گوشتگ اے اُرش دو شمبے ءِ روچ ءِ دوازدہ ءَ کنگ بیتگ۔ اے پانگس وتگڑیں سیمسر ءِ ٹٹ ءِ پھریزگ ءَ جوڑ کنگ بیتگ۔ پانگس ءِ سر ءَ چہ جتائیں نیمگاں گوں ٹوھیں سلاھاں اُرش کنگ بیتگ، اُرش ءِ تُرندی ءِ سْوب ءَ پانگس ءَ ساڑی بیتگیں کارمنداں گھگیری نہ کُرتگ بلجیں دیوالانی پُشت ءَ ٹَپّ اِتگ اَنت۔
گوھرام بلوچ ءَ گوشتگ بزدلیں دُژمن بلوچستان ءَ ایوک ءَ بےمیاریں مردمانی بگیری ءَ وتی زور ءَ پیش دار ایت ءُ جنگ ءِ پِڑ ءَ مدام بے سوب اِنت۔بلوچ سرمچار آئی ءَ ھر پِڑ ءَ شرمندگ ءُ پروش دیگ ءَ بلوچستان ءِ ھمک کُنڈ ءَ آئی ءِ سر ءَ اُرش کن اَنت۔
جارکش ءَ گوشتگ داں پاکستانی لشکر بلوچستان ءَ اِنت آئی ءِ سر ءَ مئے اُرش برجاہ بنت اِنت۔