کرکٹ ورلڈ کپ: نیدر لینڈ ءَ سِی ءُ ھشت رناں ساؤتھ افریقہ پروش داتگ

آئی سی سی ورلڈ کپ ءِ پانزدھمی گوازی نیدرلینڈ ءُ ساؤتھ افریقہ ءِ میان ءَ کنگ بوتگ کہ نیدر لینڈ ءَ جوانی ءَ گوازی کنان ءَ ھشت وکٹانی تاوان ءَ ساؤتھ افریقہ وڈیں مھکمیں ٹیمے پروش داتگ –

نیدرلینڈ ءُ ساؤتھ افریقہ ءِ میان ءَ بوتگیں گوازی ءَ ساؤتھ افریقہ ءَ ٹاس کٹ اِتگ ءُ اولسر بالنگ کنگ ءِ پیسلہ کتگ کہ نیدر لینڈ ءَ جوانی ءَ گوازی کنان ءَ ساؤتھ افریقہ ءِ دیم ءَ دوسد ءُ چِل ءُ شش رنانی ٹارگٹ ایر کتگ کہ ساؤتھ افریقہ ءَ ٹارگٹ پروشت نہ کتگ ءُ گوازی کٹگ ءَ بے سوب بوتگ –

بھارت دھرم شالہ کرکٹ پٹ ءَ بوتگیں اے گوازی ءَ اولسر ءَ گوازی کنان ءَ نیدر لینڈ ءَ ھشت وکٹانی تاوان ءَ دوسد ءُ چِل ءُ پنچ رن جوڈ کتگ کہ آیانی تہ ءَ کپٹن سکاٹ ایڈورڈز ءَ ھپتاد ءُ ھشت رن جوڈ کتگ ءُ آؤٹ نہ بوتگ ءُ وکرم جیت سنگھ ءَ دو، میکس ءَ ھژدہ، کولن ایکرمین دوازدہ، بیس ڈی لیڈز ءَ دو ، سیبرنڈ ءَ نوزدہ ، تیجاندامان رو ءَ بیست ، لوگون وین بیک ءَ دھ ، رولف وین ڈیر مروا ءَ بیست ءُ نُھ رن جوڈ کتگ، ءَ آریان ڈٹ ءَ بیست ءُ سَے رن جوڈ کتگ ءُ ناٹ آؤٹ بوتگ –

دوسد ءُ چل ءُ شش رنانی ٹارگٹ ءِ پروشگ ءَ پہ ساؤتھ افریقہ ءَ بس دوسد ءُ ھپت رن جوڈ کتگ کہ آیانی تہ ءَ ٹمبا باووما شانزدہ ، کوئنٹن ڈی کوک ءَ بیست ، ریزی وین ڈیر ڈوسنءَ چار، ہنرچ کلاسن نے بیست ءُ ھشت ،ڈیوڈ ملر ءَ چِل ءُ سَے ، مارکو جنسن نُھ ءُ گیرالڈ کوٹزی بیست ءُ دو ،کیشو مہاراج چِل ،ربادا نُھ رن جوڈ کتگ ءُ واتر بوتگ انت – وھدیکہ لنگی نگیدی ءَ.ھپت رن جوڈ کتگ ءُ ناٹ آؤٹ بوتگ –

نیدرلینڈ ءِ نیمگ ءَ لوگون ءَ 3، کولن ایکرمین ءَ 1، پال وین میکرمین ءَ 2، رولف وین دیر مروے دو، بیس ڈی لیڈز ءَ ھم دو وکٹ گپتگ – وھدیکہ جنوبی افریقہ ءِ نیمگ ءَ لنگی نگیٹی ءَ دو، مارکو جانسن ءَ دو، ربادا ءَ دو، گیرالڈ کوٹزی ءَ  ایک، کیشو مہاراج ھم یک وکٹ ءِ گپتگ –