اسرائیل ءِ لشکر ءَ لبنان ءَ حزب اللہ ءِ ناشرانی بنجل ءِ نشانگ کنگ ءِ ٹاہ داتگ-
فرانس ءِ ھال سرکنوکیں ادارہ اے ایف پی ءِ رد ءَ سَے شمبے ءِ روچ ءَ اسرائیل ءِ لشکر ءِ نیمگ ءَ شنگ بیتگیں درشانی ءَ گوشگ بیتگ کہ لبنان ءِ سرڈگار ءِ سر ءَ جاڑیگیں ناشرکاریں گل حزب اللہ ءِ لشکری بنجل نشانگ کتگ اَنت-
ھشت اکتوبر ءَ حماس ءَ اسرائیل ءِ سر ءَ بندات بیتگیں جنگ ءَ پد اسرائیل ءُ لبنان ءِ سیمسراں جنگ ءُ چوپاں کساس دَہ ھزار مردم بیران بیتگ اَنت – اے بیرانی لبنان ءِ ھَد بندی ءَ بیتگ اَنت-
بیران بیتگیں مردمانی تہ ءَ برتانیہ ءِ ھال سرکنوکیں روئٹرز ءِ اھوالکار ءُ دو شھریاں ابید گیشتر جنگول ھوار اَنت – ھمے وڑ اسرائیل ءِ کساس دو مردم مرتگ اَنت-
میان اُستمانی کمیونٹی ءَ ایران ءِ پلامرزی یے گل ءُ حماس ءِ ھمسنتیں گل حزب اللہ ءُ اسرائیل ءِ لشکر ءِ میان ءَ جنگ ءُ چوپ ءِ گیشیں گمان پدر کتگ اَنت-
سیمسری جنگ ءَ پد اسرائیل ءَ ڈیھ ءِ گوریچانی ھنداں بیست ءُ ھشت جاھاں ھزارانی کچ ءَ مردم دگہ جاھاں برتگ اَنت-