بلوچستان لبریشن فرنٹ ءِ جارکش میجرگوھرام بلوچ ءَ وتی شنگ کتگیں درشان ءِ توک ءَ گوشتگ ازیز پنام پُلی ء ملا موسا جھمنند بھمن تربت گْوستگیں بازیں سالاں ریاست ءِ چریک بیتگ ءُ راجی آجوئی زْرمبشت ءِ بگیری ءَ کار کنگ ءَ بیتگ۔گْوستگیں یک سالے بیت کہ بی ایل ایپ ءِ انٹیلیجنس ونگ ءَ چم سَک داتگ اَنت۔ آ تربت ءِ میتگ گوکدان، ڈنُک، بھمن، نوک آباد ءُ کش ءُ گْوراں لشکرکشی ءُ گِسانی سر ءَ بیڑ برگ ءَ لشکر ءِ ھمراہ بیتگ۔جُھدکار ءُ لس بلوچانی آوار جنگ ءَ تچکی ءَ گون بیتگ۔
جارکش ءَ گوشتگ ازیز پُلی منشیات ءِ کاروبار ءَ ھوار چاگردی دگہ سلکاریاں ھوار بیتگ۔آئی جنک ریپینتگ ءُ رَد داتگ،تُرسینتگ ءُ زر ءُ ملام داتگ ءُ لشکری بنجل ءَ بُرتگ اَنت۔
بی ایل ایف ءَ گوشتگ ازیز چہ باز ماہ بیت کشندہ ٹولی ءِ سروک یاسر بھرام ءِ کارکن ءُ گاٹ بیتگ،پد ءَ ریاست ءِ دگہ یک ٹولی یے ءَ شُتگ کہ آئی ءِ ٹولی ءِ دُرسیں مردمانی ھال گوں منانکاں گل ءِ کِر ءَ ھست اَنت،آ پیسر ءَ تربت ءَ ایم آئی ءِ مزنیں بنجل ءَ بندوک بیتگ بلے چیزے وھد ءَ پیش 106 ونگ ءَ ڈی بلوچ بنجل ءَ شُتگ ءُ اتکگ ءُ ھمود ءَ بندوک بیتگ۔
گوھرام بلوچ ءَ گوشتگ دوشی گل ءِ انٹیلیجنس ٹولی ءَ آئی ءِ ساڑی بیگ ءِ ھال دات گڑا گل ءِ گچین ٹولی ءَ کْوھنیں بھمن ءَ بیڑ بُرتگ ءُ دزگیر بیگ ءِ گْوشتگ بلے گِر ءُ چیل ءِ میان ءَ تیرگْواری کنگ ءُ کشگ بیتگ۔
آئی ءَ گوشتگ بی ایل ایف ءِ آپریشن کلین اپ داں دُژمن ءِ یک چریک ءُ چاریگے ءَ گوں تُرندی ءَ برجاہ بیت اِنت۔