گوجرانوالہ ءَ میڈکل کالج ءِ فلسطین ءِ جھمنندیں دو نودربر کارچاں گوں نشانگ کنگ بیتگ اَنت

پاکستان ءِ اُستان پنجاب ءِ دمگ گوجرانوالہ ءَ دمگی نودربراں فلسطین ءِ جھمنندیں دو نودربر کارچانی گون ءَ اُرش کتگ ءُ زدگ کتگ اَنت-

ارود نیوز ءَ پولیس ءِ درور دیان ءَ گوشتگ اے وئیل پروندوشی تھانہ اروپ ءِ ھند ءَ پیش اتکگ کہ سلاہ بندیں مردماں فلسطین ءِ نودربرانی سر ءَ اُرش کتگ ءُ زدگ کتگ اَنت-

اے ھردوکیں فلسطین ءِ نودربر گوجرانوالہ میڈیکل کالج ءَ وانگ ءَ بیتگ اَنت ءُ وتی سنگتے ءِ گندوک ءَ فلیٹ ءَ اتکگ اَنت ءُ اود ءَ آیانی جنگ ءُ چوپ بیتگ-

پولیس ءِ رد ءَ جنگ ءُ چوپ بس دپ جاک بیتگ-

پولیس ءِ رد ءَ ھردوکیں نودربر ڈی ایچ کیو ھسپتال ءَ برگ بیتگ انت ءُ اود ءُ آیانی ٹپانی درمانی کنگ بیتگ انت-

پولیس ءِ رد ءَ شش جرمکارانی ھلاپ ءَ کوش ءِ ارزی نبشتگ کتگ ءُ آیانی ھلاپ ءَ پٹ ءُ پول بندات کتگ-

پولیس ءِ رد ءَ پولیس ءَ بیڑ برتگ ءُ درستیں جرمکار دزگیر کتگ اَنت ءُ اے ارزی ھلدون الشیخ نامیں نودربرے ءِ گوشگ ءَ نبشتگ کتگ-