سر بیتگیں ھالانی رد ءَ روکپتی بلوچستان ءِ دمگ کسرکند ءِ جھمنندیں لاپریں زالبولے ڈاکٹرانی نادلگوشی ءِ سبب ءَ بیران بیتگ-
اھوالانی رد ءَ گِھہ ءِ نادراہ جاہ ءَ گوستگیں روچ ءَ یک لاپرین زالبولے ءَ وتی ساہ داتگ اَنت-
ھالانی رد ءَ گوستگیں روچ ءَ لاپریں زالبولے گِھہ (نیکشھر ) ءِ نادراہ جاہ ءَ چُک ءُ مات بوگ ءَ پد زالبول ءَ وتی ساہ داتگ اَنت-
زالبول ءِ پجار بیست ءُ ھپت سالی ئیں (ف) بلوچی جھمنند کوشتائی کسرکند ءِ نام ءَ زانگ بیتگ –
کھول ءِ بھتام اِنت زالبول ڈاکٹرانی نادلگوشی ءِ سبب ءَ اے دنیا ءَ شتگ بیتگ-
کھول ءِ گوشگ اِنت کہ چک ءُ مات بوگ ءَ پد زالبول سلامت بیتگ ڈاکٹراں گوشتگ درمان بہ گر ات بیار اِت گڑا درمانانی ارگ ءَ پد زالبول ءَ ساہ داتگ اَنت-
کھول ءِ گوشگ اِنت ڈاکٹراں گوشتگ شمئے مردم ءِ بی پی برز بیتگ ءُ چریشی ءَ آئی ءَ وتی ساہ داتگ اَنت-
زالبول ءِ جند بیران بیتگ بلے ائی ءِ زھگ سلامت ءُ دراہ اِنت-
ڈاکٹراں بیران بیتگیں زالبول ءِ کھول چہ نادراہ جاہ ءَ کش اتگ اَنت ءُ گیشیں گپ ءِ کنگ ءَ مکن کتگ اَنت-