بلوچستان ءِ تیابدپی شھر گوادر ءَ دگ ءِ وئیل ءَ یک مردمے بیران ءُ یکے زدگ بیتگ-
سر بیتگیں ھالانی رد ءَ گوستگیں شپ ءَ گوادر ءَ دیم پہ کراچی ءَ روکیں گاڑی دگ ءِ وئیل ءِ آماچ بیتگ ءُ چریشی ءَ یک مردمے بیران ءُ یکے زدگ بیتگ-
پولیس ءِ رد ءَ وئیل گوادر کوسٹل ھائی وے ءَ کنڈ ملیر ءَ پیش اتکگ کہ اود ءَ ترند روکیں گاڑی یے وئیل ءِ آماچ بیتگ ءُ چریشی ءَ یک مردمے ءَ وتی ساہ داتگ اَنت-
وئیل ءَ بیران بیتگیں مردم ءِ پجار جلیل ء ھاجی یوسف ءِ نام ءَ زانگ بیتگ کہ آ تربت کیچ ءِ نندوک گوشگ بوگ ءَ اِنت-
زدگ بیتگیں مردم ءِ پجار فدا اھمد ء مھمد ءِ نام ءَ زانگ بیتگ –
پولیس ءِ رد ءَ گاڑی ترند روگ ءَ.بیتگ کہ ڈرائیور ءِ دست ءَ لگوشتگ ءُ کوہ ءَ لگ اتگ کہ چریشی ءَ گاڑی ءَ سواریں یک مردمے بیران بیتگ-
پولیس ءَ لاش چست کتگ ءُ ھسپتال ءَ رسینتگ انت ءُ اود ءَ اژدری چار ءُ ٹپاس ءَ پد کھولانی ھوالگ ءَ کتگ اَنت-