روکپتی بلوچستان ءَ ناشناسیں مردماں ایرانی لشکر سپاہ ءِ گاڑی ءُ لوڈر آس داتگ اَنت-
سر بیتگیں اھوالانی رد ءَ روکپتی بلوچستان ءِ دمگ دردشت پلک ءَ ناشناسیں مردماِ سپاہ ءِ گاڑی، اسکیوٹر ءُ لوڈر آس داتگ اَنت-
اھوالانی رد ءَ اے دومی رند اِنت کہ سپاہ ءِ اے گاڑی سوچگ بوگ ءَ اَنت کہ چِد ءُ پیسر اے دابیں یک وئیلے پیش اتکگ بیتگ-
اھوالانی رد ءَ اے ٹریکٹر ءُ لوڈر گیشتر مردمانی جاھانی زورگیری ءُ لوگانی کروجگ ءَ کارمرد بیتگ اَنت-
اود ءَ گوست ءَ لس مردمانی لوگ کروجگ بیتگ اَنت کہ توک ءَ گیشتر چھبار ءِ ھند ءُ دمگاں مردمانی لوگ کروجگ بیتگ اَنت ءُ ایشانی ھواری ءَ زاھدان ءَ ھم چوشیں وئیل پیش اتکگ اَنت-