پاکستانی رسانکدرانی رِد ءَ ایپکس کمیٹی ءِ دیوان ءَ نیشنل ایکشن پلان ءِ رِد ءَ درکانودی درملکیانی درگت ءَ پیسلہ زورگ بوتگ کہ پاکستان ءَ درکانودی نندوکیں درسیں درملکی ملک ءَ درکنگ بنت اِنت –
ھالانی رِد ءَ پاکستان ءَ بس “پروف آف ریجسٹریشن” اوگانی باھوٹ نشت کناں وھدیکہ کانودی ویزہ ءِ سر ءَ اتکگیں اوگانی ھم پاکستان ءَ سپر کت کن انت –
اھوالکارانی رِد ءَ درسیں درکانودی نندوکیں درملکیاں مھلت دیگ بیت ھمے مھلت ءَ وتی مال ءُ مڈیاں بھا بہ کن انت ءُ وتی ملک ءَ بہ رو انت – اے مھلت ءِ ھلاس بوگ ءَ آ چہ ملک ءَ در کنگ بنت ءُ آیانی درسیں مڈی دستیگ کنگ بنت اِنت –
اھوالکار ءِ رِد ءَ اوگانی نندوکی دیگ بوتگیں ڈیجیٹائزڈ “ای تذکیرہ” سر ءَ پاکستان ءَ سپر کت کن انت –